Loading ...Në një rrëfim të sinqertë dhe personal në podcast-in “Flasim” me kryeministrin Edi Rama, kandidatja për Bashkinë e Tiranës, Ogerta Manastirliu, ndau për herë të parë historinë e saj përtej politikës, duke treguar rrugëtimin që nga ëndrrat për drejtësi e kiminë, e deri tek përfshirja e papritur në Partinë Socialiste.
Manastirliu foli për idealet e saj rinore, ndikimin e gjyshes dhe takimin që i ndryshoi jetën një furgon i vogël pranë Ministrisë së Kulturës, ku nisi bashkëpunimi i saj i parë me Edi Ramën dhe rrugëtimi drejt angazhimit publik.
“Kisha një ëndërr. Drejtësia ishte ëndrra ime për të studiuar. Nuk arrita që t’i fitoj studimet për drejtësia. Gjyshja ime më thoshte që mos i hidhëro i hidhëruar dhe mos u gëzo i gëzuar. Kimia ishte një tjetër pasion i fshehtë. E shihja si bashkimin e dy elementeve, të logjikës dhe të imagjinatës. Arrita të përkthej në filozofinë se sa i rëndësishëm është ekuilibri. Studimet në degën e kimisë më kanë dhënë shumë për të kuptuar rëndësinë e ekuilibrit. Që një reaksion të funksionojë duhet që të vendoset në balancat e duhura. Ka qenë një degë, një përgatitje për një profesion për të nesërmen. Mendoja gjithmonë ta shikoja veten në një laborator, për të punuar për cilësinë e ajrit dhe të mjedisit. Gjithmonë më ka integruar dhe më ka pëlqyer që të punoj në një laborator. Mirëpo, para se të përfundoja studimet për kimi, më vjen një telefonatë nga një shoqja ime dhe më thotë se nëse do mund të vish në një organizim të PS, dhe nëse do që të jesh pjesë e këtij grupi të rinjsh për të mbledhur opinionet e qytetarëve. PS nuk mu duk një emër i panjohur, sepse gjyshja ime ishte një socialiste 24 karat. Pranova, dhe më thotë që të takohemi te Ministria e Kulturës. Shkoj ishte një furgon i vogël, dhe shkruante me Edi Ramën për Tiranën. Edi Ramën e njihja si ministër të Kulturës, i cili nuk ishte aspak sit ë tjerët me një shpirt rebelues. Mbërrij në furgon dhe atje mbërrini ju kryeministër, dhe atje filloi një rrugëtim tjetër. Ishte një zgjim, për të parë jashtë qendrës së Tiranës. Bashkë kemi shëtitur çdo cep të Tiranës, dhe atje kam parë realitetin në rrethinat e Tiranës. Ishte një hapje sysh, një zgjim dhe shpresë që Tirana mund të bëhej dhe të transformohej”, tha Ogerta Manastirliu.
