Ogerta Manastirliu

mjeket-shqiptare-1280x609.gif
nev ila16:42 | 28/03/2020

Gjatë përcjelljes së stafit mjekësor drejt Bergamos së bashku me Kryeministrin Rama ishte dhe Ministrja e Shëndetësisë Ogerta Manastirliu.

Pas përfundimit të fjalës së Ramës, Ministrja e shëndetësisë tha se këta mjekë dhe infermierë vinin nga qytete të ndryshme të Shqipërisë dhe janë nga specialitet të ndryshme.

“Janë nga e gjithë Shqipëria, një mision për jetën dhe një gjë u thashë para se të vinit ju, do doja që askush të mos binte pre e këtij armiku, ju premtojmë se për aq kohë sa ju nuk do jemi këtu, do kujdesemi ne për familjarët tuaj“, u shpreh ministrja.

Po ashtu Manastirliu përmes  një statusi në rrjetet sociale ka postuar një video teksa stafi mjekësor niset drejt Bergamos në Itali.

Rrugë të mbarë #ekipit të mjekëve dhe infermierëve tanë që sapo u nisën drejt Italisë mike për të ofruar kontributin në këto ditë të vështira🙏🏼#BASHKË 🇦🇱 🇮🇹

Gepostet von Ogerta Manastirliu am Samstag, 28. März 2020

“Rrugë të mbarë ekipit të mjekëve dhe infermierëve tanë që sapo u nisën drejt Italisë mike për të ofruar kontributin në këto ditë të vështira”, shkruan Manastirliu./abcnews.al

mjek.jpeg
in a13:28 | 28/03/2020

Ministrja e Shëndetësisë, Ogerta Manastirliu në rrjetin social “Facebook” ka shprehur mirënjohjen për stafin mjekësor që është në vijën e parë të luftës me koronavirusin.

Gjithashtu Manastirliu theksoi se pas testit të kryer në laboratorin e Institutit të Shëndetit Publik katër mjekë dhe infermierë janë shëruar, duke e çuar në 6 numrin e shëruar në personelin mjekësor në Tiranë dhe në Durrës.

Statusi:

🔴#COVID-19
Shumë e kënaqur që edhe 4 mjekë dhe infermierë janë shëruar sot, pas testimit konfirmues të kryer në laboratorin e Institutit të Shëndetit Publik
Shkon në 6️⃣ numri i personelit mjekësor të shëruar në Tiranë dhe Durrës🙏🏼
Deri tani 3️⃣3️⃣ qytetarë, mjekë dhe infermierë e kanë mundur 🤜COVID-19🤛

 

ogerta-ministrja.jpg
ger ta20:02 | 23/03/2020

Në një intervistë për Abc News, ministrja e Shëndetësisë Ogerta Manastirliu pranoi se në ditët në vijim do të kemi një rritje të rasteve  me të prekur nga koronavirusi.

E pyetur nga Mirela Milori nëse do të ketë në Shqipëri teste që  kryhen për 45 minuta, ministrja tha se janë duke ndjekur rekomandimet e OBSH.

Po ashtu Manastirliu theksoi se në varësi të situatës, do të ketë edhe spitale të tjera karantinë përveç Infektivit. Po ashtu ajo tha se po punojnë për të hapur laboratotin e dytë.

Pjesë nga intervista:

Ogerta Manastirliu: Presim rritje, dhe kemi hyrë në një fazë të rritjes së numrit të të prekurve edhe personave që i drejtohen spitalit Infektiv. Janë 49 deri më tani pacientë të shtruar, jemi në 104 raste pozitivë. Pritet që raste të shtohen këtë javë. Edhe modelet tona tregojnë që do të ketë rritje në vazhdim dhe ajo që presim është rritja e rasteve të konfirmuara pozitive por edhe rasteve që i drejtohen spitali.

Mirela Milori: Është folur për testet që kryhen për 45 minuta, do të kemi mundësi që të vijnë në Shqipëri?

Ogerta Manastirliu: Aktualisht testimi kryhet në laboratorin e ISHP ku ne kemi marrë masa për furnizime në vazhdim që të kryhen. Po punojmë për të hapur edhe laboratorin e dytë. Jemi duke punuar për rritjen e kapaciteteve dhe për të hapur edhe laboratorin e  dytë. Puna vazhdon, edhe shpejtësia e kryerjes së analizave është në konsideratë.

Mirela Milori: Deri tani flisni për teste tradicionale, ato që duan disa dite që të kryhen? Teste që kryehen shpejt, jeni në tratativë?

Ogerta Manastirliu: Po jemi në tratativë, jemi duke punuar kjo vetëm për të rritur stokun e testeve ekzistuese por edhe për të hapur gamën e testimit të shpejtë për sa i parkete testeve të reja. Jemi duke ndjekur rekomandimet e OBSH.

Mirela Milori: Janë hapur disa çadra, çfarë janë edhe pse?

Ogerta Manastirliu: Ne kemi vendosur që në kuadër të një triazhimi të shpejtë për të gjithë ata pacientë të cilët nuk kanë simptoma të Covid, por vinë në spital për patologji të tjera përpara futjes në spitale të kryejnë një kontroll të parë. Kjo ëhstë një mundësi për të bërë një triazhim të pacientëve. Duam që të krijojmë mundësinë e një filtri të parë.

Mirela Milori: Duket se gjithçka është përqendruar në Tiranë, harta  e të prekurve është zgjeruar, duket se është çështje kohe që të mbarojnë teste. Mendoni se do të ketë edhe spitale të tjera rajonale që do të përballen?

Ogerta Manastirliu: Patjetër skenaret tona parashikojnë edhe përfshirjen e spitaleve rajonale për sa i përket trajtimit të Covid-19. Ne po ecim sipas skenarëve që grupi ka materializuar. Në këtë fazë jemi ku spitali i parë është Covid-1 është Infektivi, pastaj është Covid-2 “Shefqeyt Ndroqi” dhe më pas do të kemi struktura të tjera.

/abcnews.al

WhatsApp-Image-2020-03-20-at-22.39.36-1.jpeg
nev ila22:06 | 20/03/2020

Ministrja e Shëndetësisë, Ogerta Manastirliu ka firmosur urdhrin e ri për qarkullimin e qytetarëve.

Duke filluar nga dita e hënë të gjitha pikat e produkteve ushqimore do të punojnë duke filluar nga ora 05:00 e mëngjesit deri në orën 13:00.

Ndërkohë, këmbësorët dhe ata që kanë mjete nuk do të lejohen të qarkullojnë nga ora 13:00 e ditës së nesërme, deri në orën 05:00 të ditës së hënë.

Ditën e diel nuk do të lejohen as këmbësorët, as makinat të lëvizin, dhe asnjë biznes nuk do të jetë hapur.

Gjatë kësaj periudhe, qytetarët nuk do të mund të marrin asnjë shërbim.

Për tu njohur me shërbimet/bizneset që do të qëndrojnë mbyllur sipas urdhrit të Ministrisë së Shëndetësisë:

Kliko këtu: Aktivitetet qe qendrojne mbyllur./abcnews.al

ogerta-endri-1280x544.jpg
nev ila18:46 | 19/03/2020

Ministrja e Shëndetësisë Ogerta Manastirliu në një lidhje me Skype në studion e ABC News me gazetarin Endri Xhafo deklaroi se është blerë një numër i ri testimesh dhe kitesh për të analizuar pacientët e dyshuar me Covid-19.

Manastirliu tha se blerja e tamponëve dhe testeve bëhet sipas rekomandimit që japin ekspertët e shëndetit. Ajo deklaroi se ndërkohë që e gjithë bota po përballet me probleme në lidhje me testimet, Shqipëria nuk ka patur pengesa.

Biseda: 

Endri Xhafo: Ju keni raportuar një numër të ulët testimesh ndërkohë që OBSh  rekomandon të bëhen sa më shumë teste. Sa tamponë kemi sot?

Ogerta Manastirliu: Unë vërtetë jam ministre e shëndetësisë dhe drejtoj shëndetësinë, por puna jonë drejtohet nga ekspertët. Vendimi për realizimin e testimeve bëhet nga komiteti i ekspertëve sipas rekomandimeve të OBSH. OBSH u shpreh se të testosh do të thotë të testosh rastet e dyshuara për të shkëputur zinxhirin e infeksionin.  

Ne deri më sot kemi realizuar 697 testime. Ne kemi marrë vendimet hap pas hapi. Ne kemi marrë vendimin për të hapur edhe një laborator tjetër ku do të kryejmë analiza dhe testime të covid-19.

Përpara pak ditësh jemi furnizuar me tamponë dhe teste dhe do të vijojmë të furnizohemi në vazhdim. Jo vetëm kemi marrë masa por kemi mbështetjen e OBSH për arritjen në kohë të testeve dhe tamponëve.

Gjithë përpjekjet e qeverisë janë direkt për mbështetje të financimit. Nëse ekspertët vlerësojnë se ne do të duhet të shtojmë numrin e testeve patjetër do të rrisim këtë numër. Ekspertët kanë vlerësuar një protokoll. Ne do shkojmë sipas protokollit të ekspertëve.

Masa e testimit bëhet që të marrësh vendime për tu vendosur masa të reja. Ne ndërkohë i kemi marrë masat e reja. A ka bota problem me testimet, po ka. Por ne deri tani nuk na ka munguar ardhaja e kiteve, tamponëve dhe reagentëve.

Në vazhdim ne do bëjmë atë që ekspertët sugjerojnë. Nëse ekspertët vendosin që të shtrihet testimi dhe gama për të marrë vendime më pas se si do të sillemi në vazhdim, patjetër që do ta marrim.

Endri Xhafo: Nga e morët furnizimin?

Ogerta Manastirliu: Është një furnizim që kemi marrë nga ISHP. Është bërë nga një laboratorë i sigurtë i cili prodhon kite dhe reagentë për të testuar Covid-19, dhe i cili është laborator i biosigurisë së lartë i cili ofron me garanci testimin e mostrave./abcnews.al

manastirliu-endri-1280x608.jpg
nev ila18:19 | 19/03/2020

Ministrja e Shëndetësisë Ogerta Manastirliu në një bisedë të realizuar me skype në studio me gazetarin Endri Xhafo sqaroi njoftimet e raportuara me shifra të ndryshme të të infektuarve me Covid-19, të shtruar në Spitalin Infektiv në Tiranë.

Manastirliu tha se keqkuptimi në shifra ka ndodhur pasi raportimi zyrtar rifreskohet çdo ditë në orën 11 kur ndërkohë gjatë ditës ka dinamika të ndryshme në lidhje me numrin e të infektuarve nga koronavirusi.

Manastirliu gjithashtu tha se është duke u bërë gati spitali “Shefqet Ndroqi” për tu kthyer në Spital Covid 2, që do të presë të sëmurët e infektuar nga koronavirusi kapaciteti i të cilit është 190 shtretër.

Pjesë nga biseda nën studio:

Endri Xhafo: Kemi një dilemë me shifrat e raportuara për të infektuarit me Covid-19. Dje kemi patur mjekun Tritan Kalo në studio, ai tha se ditën e djeshme ka patur 28 persona të shtruar në spital ndërkohë që Ministria e Shëndetësisë ka raportuar 30 persona të shtruar, çfarë ka ndodhur me shifrat?.

Ogerta Manastirliu: Të gjitha shifrat zyrtare raportohen çdo ditë në orën 11 të paradites. Për sa i përket deklaratave të Prof. Kalos në studion tuaj, të cilin gje rastin ta falënderoj, ai iu ka informuar mbi situatën në infektiv që është dinamike, pra ndryshon orë pas ore. Në spitalin infektiv përcillen të gjithë personat që kanë problematika me shëndetin, referohen nga 127. Ka një procedurë dhe protokoll pune që ndiqet në spit Infektiv si dhe në spitale të tjera, ku duhet të kuptojmë që në një moment të tillë i ndryshon numrat me orë. Profesori iu ka dhënë një shifër të saktë. Ndërkohë që në Infektiv sot numri i të shtruarve ka ndryshuar, ka shkuar në 32 raste 3 prej të cilëve në terapi intensive por jo me frymëmarrje të drejtuar.

Endri Xhafo: Sipas njoftimit të Ministrisë së Shëndetësisë, një rast i ri një pacient 66 vjeçar që po trajtohet në terapi intensive në QSUT, i qëndroni kësaj deklarate? Pse e keni lënë pacientin që të agravohet deri në fazën ku duhet të futej direkt në terapi intensive.

Ogerta Manastirliu: Rasti është ndjekur trajtuar nga mjekët përkatës sipas protokollit që janë vendosur në spital. Rasti i këtij pacienti është përfshirë në shërbimin intensiv pasi ka paraqitur shenjat që kanë nevojë për këtë trajtim. 66 vjeçari ka qenë në një strukturë tonën spitalore ku ka marrë trajtimin e nevojshëm dhe më pas është transferuar në këtë spital për të kryer edhe testin edhe për të trajtimin e mëtejshëm.

Endri Xhafo: Kemi një informacion se tek Spitali “Shefqet Ndroqi” nuk kanë asgjë, ky spital është në plan që të kthehet në spital Covid, do bëhet ai i pari apo do të bëhet spitali nr.2 në QSUT, si është radha e veprimit?

Ogerta Manastirliu: Komiteti Teknik i Ekspertëve ka vendosur që të kemi disa skenarë për sa i përket trajtimit të pacientëve me këtë infeksion. Skenari i parë fillon me Covid 1, spitalin infektiv, aty ku 32 pacientë marrin trajtimin. Spitali infektiv ka 140 shtretër që janë në dispozicion të trajtimit të këtyre të sëmurëve. Më pas, nëse do të kemi përmbushje të kapacitetit të këtij spitali do të jetë Spitali Shefqet Ndroqi, Covid 2. Ai ka në dispozicion 190 shtretër. Kemi dinamikë të ngjarjeve, planet tona drejtohen nga disa ekspertë./abcnews.al

ogerta-manastirliu-konferenca.jpg
ger ta14:37 | 18/03/2020

Duke filluar nga dita e premte, të gjitha urgjencat kirurgjikale do të kryhen tek Spitali Universitar i Traumës. Lajmi është bërë me dije nga ministrja e Shëndetësisë Ogerta Manastirliu përmes një konference për shtyp.

“Shërbimi i kirurgjisë së urgjencës të transferohet te Truama duke filluar nga dita e premte. Transporti i çdo urgjence do të kryhet nga urgjenca kombëtare nëpërmjet 127”, tha ministrja mes të tjerash.

Më tej Manastirliu u bëri edhe njëherë thirrje qytetarëve të zbatojnë rregullat e vendosura.

“Jemi vetëm në fillim të luftës dhe nuk duhet të ulim vigjilencën. Zbatoni rregullat, kjo betejë do të vazhdojë edhe për ne siç po vazhdon në të gjithë botën. Të ruajmë të moshuarit, të qendrojmë në shtëpi, dhe të kujdesemi për ta dhe për veten’, tha ajo.

Vendimi ka ardhur pasi Task Forca ka vendosur që urgjencat kirurgjikale tek QSUT t’i vendosë në shërbim të të sëmurëve nga koronavirusi.

Në një intervistë dhënë gazetarit Endri Xhafo dy ditë më parë, Arben Gjata, Koordinator i Task Forcës për Burimet Njerëzore tha se janë parashikuar katër spitale që do të vendosen në dispozicion për të sëmurët nga koronavirusi.

I pari është Infektivi, i dyti spitali Shefqet Ndroqi, i treti, sallat e Kirurgjisë tek Urgjenca e QSUT dhe nëse ezaurohen këto, do të përdoret insfrastruktura e Spitaliut Amerikan.

/abcnews.al

 

foto.png
in a20:26 | 17/03/2020

Ministrja e Shëndetësisë, Ogerta Manastirliu në rrjetin social “Facebook”, njoftoi se ka rezultuar negativ në testin e parë pas trajtimit, kontakti i parë i pacientit zero që u identifikua me koronavirusin e ri në Shqipëri.

Pacienti ka reaguar mirë ndaj kurës. Manastirliu gjithashtu bën me dije se do të kryhen testime të tjera për të monitoruar situatën.

“Lajm i mirë. Pacienti i parë nis rrugën e shërimit nga COVID-19. Rezulton negativ në testin e parë pas trajtimit, kontakti i parë i pacientit zero që u identifikua me koronavirusin e ri në Shqipëri. Bravo ekipit të spitalit infektiv”, shkruan Manastirliu.

 

WhatsApp-Image-2020-03-13-at-13.34.28.jpeg
ger ta12:53 | 13/03/2020

Ministrja e Shëndetësisë Ogerta Manastirliu ka pasur një “video call” direkte nga zyra e saj me ekipin e mjekëve dhe infermierëve që në këto momente po shërbejnë në Spitalin Infektiv tek pacientët e konfirmuar me COVID-19.

Grupi i mjekëve ndodhet i karantinuar duke trajtuar të infektuarit. Në video shihet  teksa ministrja pyet për të infektuarit.  Shefja e Shërbimit Infektiv  Najada Çomo shpjegoi gjatë lidhjes direkte me ministren që gjendja e 8 të prekurve është e stabilizuar.

Gjatë bashkëbisedimit me ministren, mjekët e infektivit kërkuan që gjithë qytetarët të kenë besim tek puna e tyre sepse po përpiqen për të bërë më të mirën e mundshme. /abcnews.al

manastirliuuuu-konfercna.jpg
ger ta18:11 | 12/03/2020

Ministrja e Shëndetësisë dhe Mbrojtjes Sociale, Ogerta Manastirliu në një komunikim me publikun duke shpjeguar urdhrin e ri përndalimin e qarkullimit të automjeteve private për të frenuar përhapjen e COVID-19, deklaroi se personeli shëndetësor dhe të gjithë personat me sëmundje kronike që kanë të planifikuara terapi mjekimi në spitale përjashtohen nga ky urdhër.

“Përjashtim nga rregulli i përcaktuar në pikën 1 dhe 2 të këtij urdhëri bëhet për autoambulancat, automjetet që kryejnë funksione shërbimi me funksion publik dhe ato që transportojnë mallra. Autorizimi për qarkullimin e autoambulancave, automjeteve që kryejnë funksione shërbimi shtetëror dhe ato që trasportojnë mallra kryhet sipas urdhëzimeve të Policisë së Shtetit. Gjithashtu përjashtohen të gjithë personat me sëmundje kronike që kanë të planifikuara terapi mjekimi në spitale të shoqëruar nga vetëm një person”, tha Manastirliu.

Urdhëri për ndalimin dhe kufizimin e lëvizjeve me mjetet e transportit parashikon:

  1. Ndalimin e qarkullimit të mjeteve të transportit publik dhe privat, përfshirë automjetet private, brenda Tiranës dhe Durrësit dhe nga Tirana dhe Durrësi drejt zonave të tjera të vendit dhe anasjelltas, duke filluar nga ora 06:00 e datës 13.03.2020 deri në orën 24:00 të datës 15.03.2020.
  2. Ndalimin e qarkullimit të mjeteve të transportit publik dhe privat, përfshirë automjetet private, në Shkodër, Lezhë, Elbasan, Lushnje, Fier dhe Vlorë duke filluar nga ora 06:00 e datës 13.03.2020 deri në orën 24:00 të datës 15.03.2020.

Duke falenderuar ekimet mjekësore që siç u shpreh Manastirlu po bëjnë një punë fantastike në terren për të përballuar këtë situatë, ministrja deklaroi se të gjithë punonjësit e sistemit shëndetësor do të vijojnë të jenë në krye të detyrës siç bëjnë çdo ditë të vitit.  Manastirliu kërkoi nga qytetarët të respektojnë këto rregulla të forta por që janë të domosdoshme pasi nuk është vetëm Shqipëria që po i ndërmerr por të gjitha vendet që po përballen me një situatë të tillë.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono