Këshilli Bashkiak i Lezhës miratoi 160 bonuset e strehimit për familjet që tërmeti ju dëmtoi shtëpitë. Në mbledhje pati dhe debate në lidhje me përputhshmërinë e çmimeve të tregut të banesave me vlerën e bonusit të përcaktuar.
Është miratuar bonusi i strehimit për 160 familjet e para që janë dëmtuar nga tërmeti i 26 nëntorit në Lezhë. Gjatë mbledhjes së Këshillit Bashkiak, Kreu i Bashkisë Lezhë, Pjerin Ndreu sqaroi se familjet u përzgjodhën pas verifikimeve të banesave të tyre nga ekspertë.
“Shpërndarja është mikse, janë marrë parasysh të gjitha banesat e pallateve të reja që janë të dëmtuara dhe pjesërisht të dëmtuara të cilat do të rikonstruktohen dhe më pas banorët mund të hyjnë”.
Ndërsa në lidhje me shembjen e banesave që janë vlerësuar si të pabanueshme Ndreu sqaron….
“Prevalon pallati 88 i cili ka qenë një specifikë të veçantë, mendoj se duhet të mblidhemi prapë për të marrë vendimin për shembjen e këtij pallati”.
Në këtë mbledhje u ngrit dhe një problematikë nga këshilltari Agostin Marku që sugjeron se duhet të rishihet vlera e miratuar e bonusit pasi nuk ka përputhshmëri me çmimet e tregut.
“Çmimi që kemi miratuar ne është më i ulët se çmimi i tregut edhe pse kemi shfrytëzuar gjithë hapësirën ligjore por gjithsesi duhet të rishikohet ky çmim”.
Gjithsesi në mbyllje të mbledhjes këshilltarët miratuan 160 bonuset e strehimit./abcnews.al
