Borussia Dortmund arriti një kualifikim surprizues në Champions League. Verdhezinjtë fituan jo pa vështirësi kundër Slavia Prague në ndeshjen e fundit, teksa dhurata erdhi nga Barcelona, që mposhti Interin në “San Siro” dhe e eliminoi. Gjithsesi, klubi gjerman mund të humbasë një nga yjet e ekipit në janar.
Jadon Sancho është me valixhe gati dhe e ardhmja e talentit anglez pritet të jetë Spanja ose Anglia. Real Madrid është gati për të investuar për 19-vjeçarin, ndërsa në Premier League është e gjatë lista e skuadrave që e duan. Daily Mail raporton se Manchester United, Chelsea, Liverpool dhe Manchester City po rivalizojnë fort për Sanchon, por në avantazh janë “Djajtë e Kuq”.
Lojtari ofensiv ka pasur probleme me trajnerin Favre dhe raportet mes tyre janë në pikën më të ulët. Gjithsesi, si Real Madrid ashtu edhe Manchester United duhet të hapin thesin për të bindur Dortmundin të heqë dorë nga shërbimet e Sanchos në mes të një sezoni ku po paraqiten mirë dhe kanë objektiva të mëdha. /abcnews.al
