Deri në 300,000 vende pune në Gjermani mund të jenë në rrezik nëse presidenti i sapozgjedhur i SHBA-së, Donald Trump, zbaton kërcënimin e tij për të vendosur tarifa të reja për importet nga Bashkimi Evropian.
Sipas Süddeutsche Zeitung, e cila publikon një investigim përkatës nga Instituti për Kërkime të Makroekonomisë dhe Sipërmarrjes IMK, në rast se Trump vazhdon me tarifa nga 10% deri në 20% dhe vendet e tjera gjithashtu përgjigjen me kundërtarifa, rreth 300,000 vende pune në Gjermani rrezikohen të humbasin. Edhe nëse tarifat ulen në nivelin më të ulët që ka shpallur herë pas here presidenti i zgjedhur, humbjet e vendeve të punës nuk do të jenë më pak se 200 mijë.
Sipas Institutit Prognos, 1.2 milionë vende pune në Gjermani varen nga eksportet në SHBA. Numri korrespondon me 10% të të gjitha vendeve të punës që varen drejtpërdrejt ose tërthorazi nga eksportet./abcnews.al
