Gjermani
So Nila09:15 | 01/04/2020
Shkencëtarët gjermanë do të studiojnë si përhapet koronavirusi duke hulumtuar nga afër të gjitha rastet e konfirmuara të qytetit më të prekur nga Covid-19, Heinsberg. Ata e kanë përshkruar qytetin si laborator, shkruan The Guardian
Virusi është përhapur gjerësisht në qytetin me afro 250,000 banorë, i cili ndohet në kufi me Hollandën. Së fundmi u bë me dije se rezultojnë 1,281 raste me Covid-19 në Heinsberg, nga të cilat 550 njerëz janë shëruar. Heinsberg po njihet edhe si “Wuhan-i i Gjermanisë”, referuar qytetit kinez ku shpërtheu pandemia. Në këtë vend, koronavirusi shpërtheu 2 javë më përpara se pjesa tjetër e vendit.
Gjatë javëve të ardhshme, një ekip prej 40 mjekësh të mjekësisë gjermane do të studiojnë rastet në Heinsberg, i cili do të shërbejë si një larborator i jetës reale. Hulumtimet do të bazohen te 1,000 njerëz të përzgjedhur si përfaqësues të popullatës gjermane.
Rezultatet do të përdoren për të krijuar një plan se çfarë mund të bëhet me virusin në javët e ardhshme, tha Prof. Hendrik Streeck, mjek virolog në Universitetin e Bonn-it.
Shkencëtarët do të shkojnë në 500 shtëpi, kopshte dhe spitale për të parë si përhapet infeksioni. Ata do të vërejnë jetën e përditshme, si fëmijët ua kalojnë të rriturve virusin, si përhapet brenda familjes – nga telefonat, mobiljet, dorezat e dyerve etj., – çfarë duhet të dimë për kafshët shtëpiake, a tranferohet përmes ushqimeve të caktuara dhe jo vetëm.
Duke testuar imunitetin ndaj Covid-19 të pjesëmarrësve të studimit, shkencëtarët gjithashtu do të jenë në gjendje të përcaktojnë se sa është numri real i rasteve të pazbuluara në mbarë vendin. Rezultatet e para pritet të bëhen publike javën e ardhshme, megjithëse i gjithë mbledhja e provave do të zgjasë disa javë dhe analiza e tij ka të ngjarë të zgjasë me muaj ose dhe vite./abcnews.al
Veronik Istrefaj19:35 | 31/03/2020
Mbrojtësi i BAyern Munchen, Jerome Boateng, është përfshirë në një aksident me makinë mëngjesin e sotëm. Gjermani ishte nisur nga Mynihu drejt Lajpcig, për të takuar djalin e tij.
Në autostradë, makina i ka dalë nga kontrolli dhe ka përfunduar mbi barrierat e sigurisë. Policia e Mynihut ka deklaruar se Boateng nuk ka asnjë dëmtim fizik, por makina e tij me vlerë 25 mijë euro, është shkatërruar.
Përveç disa problemeve brenda fushës së lojës dhe në seancat stërvitore, Boatengut i shtohen edhe problemet jashtë fushave. Gjithashtu, flitet edhe për një largim të Boateng nga Bayern në verë. Një situatë aspak e mirë për shtatlartin gjerman./abcnews.al
Sid Orela16:49 | 31/03/2020
Një i moshuar gjerman dhe e dashura e tij nga Danimarka takohen tek kufiri i dy vendeve pasi masat shtrënguese të marra së fundmi nuk i lejojnë që të lëvizin jashtë shtetit.
Karsten Tüchsen Hansen, një 89-vjeçar nga Gjermania dhe e dashura e tij 85-vjeçare Inga Rasmussen takohen së bashku në kufi për të pirë kafe ose çaj. Çifti i të moshuarve janë bashkë prej dy vitesh, por kriza e shkaktuar nga koronavirusi tashmë i ka ndarë. Gjithsesi, ata nuk janë kushtëzuar nga rrethanat, shkruan abcnews.al
Prej një viti tashmë Karsten dhe Inga e kanë kaluar bashkë çdo ditë, dhe tani takohen tek kufiri në Aventoft, të dy në anët e tyre dhe pinë nga një filxhan kafe, hanë ndonjë biskotë ose thjesht bisedojnë.
Dyshja janë shprehur për Deutsche Welle se në momentin që masat do të nisin sërish të udhëtojnë së bashku.
Autoritetet daneze e kanë ndaluar mbledhjen e 10 ose më pak njerëzish në publik dhe mbyllën të gjitha kufijtë për të huajt më 11 mars, një nga vendet e para evropiane që mori këto masa.
Gjermania bëri të njejtën gjë më 16 mars, duke mbyllur të gjitha kufijtë madje edhe për udhëtarët brenda zonës së Shengen-it. /abcnews.al/
ger ta14:21 | 31/03/2020
Në një lidhje direkte për Abc News, mjekja shqiptare Aurora Meta Dollemberg foli për situatën e koronavirusit. Mjekja u ndal fillimisht duke treguar se si po menaxhohet Covid-19 në shtetin gjerman.
Mjekja këshilloi se mënyra më e mirë e trajtimit të këtij virusi është izolimi në banesa. Ndërkaq, sa u takon rregullave që janë marrë në Gjermani, ajo tha se nuk ka kufizime në orare ashtu sikurse është bërë në Shqipëri dhe vende të tjera, por ka një ndërgjegjësim të madh të qytetarëve për të respektuar rregullat.
Ndërkohë ajo tha se piku do të arrihet më 2 javët në vijim, ndërsa ulja totale të infeksionit do të ndodhë në fund të majit.
Intervista e plotë:
Mjekja: Ne presim që në ditët të vijim të vazhdojë tendenca e rritjes së të infektuarve. Por pikun e parashikojë në 2 javët që vjen dhe në fund të majit të ketë një ulje totale. Përqindja e vdekjes është 5%. Nëse ne gripin e zakonshëm është 1% në Gjermani. Gjermania mbahet në Evropë së e ka nën kontroll virusin edhe këtu dita ditës po ndihet presioni prej rrezikut.
Gazetarja: Izolimi mbetet më i mirë. Gjermania qëndron vetëm te distancimi social, është e vetmja masë që është marrë?
Mjekja: Ato profesione që mund të punojnë nga shtëpia janë izoluar. Vetëm ne si mjekë janë të detyruar të dalin. Edhe pse po kërkohet shumë për një medikament nuk kemi akoma një trajtim që mund të heqë izolimin.
Gazetarja: Si i trajtoni ju pacientët e infektuar?
Mjekja: Deri tani kemi bërë vetëm një trajtim me virostatikët. Deri tani nuk kemi gjetur një trajtim specifik, por vetëm frenues.
Gazetarja: Si funksionon në Gjermani me rastet e qytetarëve? Në Shqipëri nuk paraqitet në spital, por duhet të telefonojnë 127 dhe më pas janë mjekët që i orientojnë apo marrin ata që janë më të rrezikuar. Si funksion në Gjermani, qytetarët që kanë dyshime paraqiten në spital, apo te mjekui familjes?
Mjekja: Mënyra që po bëhet në Shqipëri është e saktë. Edhe ne në mënyrë të ngjashme po veprojmë këtu. Pacientët janë të lutur që të qëndrojnë në shtëpi, në rast se ka dyshime ata janë të lutur që të shkojnë tek zyrat e shëndetit publik, të telefonojnë dhe shkon ekipi me ambulancë te pacienti. Nuk janë të lejuar të shkojnë në klinika.
Gazetarja: Është thënë se në Gjermani janë testuar mjekët, është e vërtetë dhe a jeni testuar ju?
Mjekja: Jo në landin ku jetoj unë nuk është përhapur në mënyrë masive. Këtu jemi më pak fleksibël. Pjesa tjetër e personelit që kanë qenë në kontakt nuk janë vizituar. Kapacitete edhe për Gjermaninë janë të kufizuara edhe për izolimin e stafit mjekësor apo testimin.
Gazetarja: Masat që janë marrë në Gjermani, janë të përgjithshme apo të specifikuara sipas landeve?
Mjekja: Variacionet nga një land në tjetrin janë minimale. Në spitalin ku unë punoj janë tre infermiere të cilat janë pozitive dhe atyre nuk u lejohet të shkojnë në shtëpi dhe të izolohen. Përkundrazi kemi edhe mungesë personeli, atyre u është lutur që të punojnë në repartin e pozitivëve.
Gazetarja: Nuk përbën rrezik që infermierët mund ta përhapin atë, ndërsa nuk janë të izoluar?
Mjekja: Reziku është, por kufizimi është bërë vetëm për repartin e pacientëve të infektuar.Nuk ju lejohet të punojnë për të gjitha repartet.
Gazetarja: Mund të themi se Gjermania ka marrë masa drastike për ta menaxhuar përhapjen? Janë masa të forta në Gjermani?
Mjekja: Masat janë të forta por edhe popullsia është po aq korrekte në zbatimin e masave. Këtu nuk vihen gjoba nëse dikush kapet në rrugë. Është një bashkëpunim i gjithanshëm.
Gazetarja: Mund të ndalemi pak tek rregullat që janë marrë në Gjermani?
Mjekja: është lejuar që të gjithë punonjësit të punojnë nga shtëpia. Në supermarkete ruhet distanca. Janë mbyllur të gjitha shkollat, institucionet publike. Janë mbyllur edhe azilet dhe spitalet e vogla.
Gazetarja: Sa i përket transportit publik vijon normalisht?
Mjekja: Po edhe autobusët vijojnë, janë të lutur njerëzit që të mos futen më shumë se 10 veta në autobus.
Gazetarja: Nuk ka as kufizime në orare?
Mjekja: Nuk e kemi këtë kufizim, dalim paradite dhe pasdite.
Gazetarja: Përse Italia përfundoi në këtë gjendje?
Mjekja: Që në hapat e para u bënë gabime të rënda. Ata pacientë që ishin pozitiv u pranuan në spitale të mëdha. U infektuan personeli mjekësor dhe ata ua përhapën të sëmurëve rëndë.
Gazetarja: Një këshillë për shqiptarët në Shqipëri?
Mjekja: Ka qenë prej javës dhe mbetet rregulli bazë qëndrimi në shtëpi. Testimi masiv nuk sjell asgjë, ne mundemi vetëm ta parandalojmë duke u izoluar. /abcnews.al
ger ta20:32 | 29/03/2020
Thomas Schäfer, ministri i financave të landit Hesse të Gjermanisë është vetëvrarë.
Siç duket ministri nuk ka arritur dot të përballojë presionin e shkaktuar nga kriza ekonomike që do të krijojë Covid-19, tha të dielën kryeministri i landit Volker Bouffier.
Schaefer, 54 vjeç, u gjet i vdekur pranë një hekurudhe. Nga të dhenat e para hetuesit supozojnë se politikani i Partisë Demokristiane (CDU) kishte kryer vetëvrasje.
Në fillim të kësaj jave, Schäfer kishte njoftuar ndihmën financiare të shtetit për ata që preken nga pandemia e koronavirusit.
Politikanët e tjerë gjermanë, përfshirë udhëheqësen e CDU-së Annegret Kramp-Karrenbauer kanë shprehur tronditjen e tyre për vdekjen e Schäfer.
Gjermania gati për testin e madh kombëtar, klasifikohen ata që mund të sëmuren dhe ata me anti-trupa
eri Ida14:25 | 29/03/2020
Ndërsa Italia është duke përgatitur një dekret të ri për të mbyllur çdo aktivitet për dy javët e ardhshme, duke nisur nga data 3 Prill, në Gjermani po vijon proçesi i një testi të madh kombëtar.
Sipas gazetarit Udo Gumpel, objektivi i qeverisë Gjermane është të kuptojë se sa janë qytetarët që i zotërojnë tashmë anti-trupat ndaj koronavirusit në gjak. Në këtë mënyrë do të përcaktohej se kush është i mbrojtur, dhe, sipas Gumpel, qëllimi është që t’u jepet këtyre personave dokument për t’iu rikthyer jetës normale.
Në një fazë të parë, testi presupozohet të prekë rreth 100.000 persona dhe parashikohet të aplikohet në fund të muajit Prill. Virologia Italiane Ilaria Capua është shprehur mbi iniciativën e testit të madh kombëtar në Gjermani se vetëm kjo metodë do t’i jepte të dhënat më të dobishme qeverisë.
“Kjo është rruga e vetme për një qasje kombëtare dhe jo fragmentare, e cila i jep qeverisë të dhëna të dobishme dhe të besueshme. Vetëm në këtë mënyrë mund të ndërmerren vendime në lidhje me rikthimin në normalitet”, është shprehur Ilaria Capua.
Koronavirusi nuk është vetëm një problem shëndetësor. Është gjithashtu një problem politik dhe ekonomik.
Qeveria Gjermane ka deklaruar se edhe përgjatë muajit prill do vazhdojë t’i mbajë të mbyllura aktivitetet tregtare, por testi kombëtar do të shërbejë gjithashtu si mjet i cili gradualisht do t’i mundësojë një pjese të qytetarëve rekuperimin e vendeve të punës, dhe ekonomisë një rimëkëmbje të pjesshme. /abcnews.al
in a09:34 | 28/03/2020
Në Gjermani vazhdon të rritet numri i të infektuarve me koronavirusi.
Sipas autoriteteve numri i të testuarve pozitv me Covid-19 është rritur në rreth 51 mijë kurse numri i viktimave mbetet i ulët krahasuar me shkallën e përhapjes së infeksionit, viktimat numërohen në 351.
“Arsyeja pse kemi kaq pak vdekje në Gjermani në krahasim me numrin e të infektuarve shpjegohet me faktin se ne bëjmë një sasi të madhe të testeve laboratorike”, tha Christian Drosten, virolog në Spitalin Charite të Berlinit. “Por është ende një qetësi para stuhisë”, tha Ministri i Shëndetësisë Jens Spahn në Berlin.
So Nila09:15 | 28/03/2020
Gjermania është një 10 vendet me numrin më të lartë të njerëzve të diagnostikuar me Covid-19. Referuar të dhënave, Gjermania ka shumë më shumë të prekur se Franca, përkatësisht më shumë se 50,000 të infektuar krahasuar me 33,402 të Francës, mirëpo numri i vdekjeve është i ndryshëm. Në Gjermani kanë ndërruar jetë 321 persona, ndërkohë që në Francë 1,997. Situata paraqitet kritike edhe në Iran, ku nga 32,332 të infektuar, 2,378 kanë ndërruar jetë.
Ekspertët e shëndetit po përpiqen të analizojnë se çfarë ka bërë ndryshe Gjermania dhe ku qëndron suksesi i përballjes me Covid-19. Sigurisht që disa janë të mendimit se Gjermania është ende ne fazën ku kanë qenë shtetet e tjera më parë, mirëpo të tjerë ekspertë (via CNN) thonë se sistemi mjekësor është një pikë kyçe në këtë pandemi. Ata u referohen infermierëve.
Politika e Gjermanisë për të rekrutuar sa më shumë mjekë dhe infermierë është e njohur tashmë.
Masat parandaluese, strukturat mbrojtëse, shtretërit dhe spitalet nuk kanë ndonjë ndryshim shumë të madh me vende të tjera të zhvilluara, mirëpo dallojnë në një pikë: Numri i infermierëve në krahasim me popullatën e përgjithshme.
Gjermania ka 13.2 infermierë për 1,000 banorë dhe është shifra më e lartë në të gjitha vendet e prekura nga koronavirusi.
Numri i lartë i infermierëve është një faktor i rëndësishëm sepse është thelbësor për menaxhimin e pacientëvë dhe rrjedhimisht në sigurimin e mbijetesës. Një spital që kupton rëndësinë e infermierëve është padyshim një spital efektiv që ka më shumë mundësi të përmirësojë gjendje kaotike si kjo e pandemisë./abcnews.al
So Nila10:15 | 27/03/2020
Në këto kohë të vështira, njerëzimi po përpiqet që të gjejë ngushëllim sa të mundet dhe ku të mundet. Besojeni ose jo, në Gjermani dhe jo vetëm po flitet për një shenjtore, të quajtur Shën Korona.
Në fakt, shenjtorja thuhet se i mbron njerëzit nga epidemitë. Një katedrale në qytetin Aachen në Gjermani, po bëhet gati që të ekspozojë koleksionin për Shën Koronën.
Por si është historia e kësaj shenjtoreje?
Thuhet se ajo është një martire e krishterë, e cila mendohet se u vra nga romakët gjatë sundimit të Mark Aurelit, këtu e 1800 vjet më parë. Ajo u vra në Siri kur ishte vetëm 16 vjeçe për shkak se kaloi në besimin e krishterë.
Ende nuk dihet se përse ajo njihet si mbrojtësja ndaj epidemive, por me shumë gjasë e ka marrë aksidentalisht këtë vlerësim. Në të vërtetë spekulohet se ajo është shenjtorja që mbron kërkuesit e thesareve. Korona do të thotë kurorë dhe koleksioni i saj është plot me relike ari të shtrenjta.
Katedralja Aachen, që u ndërtua në shekullin e nëntë, ka vendosur eshtrat e Korona që nga viti 997 në një varr nën një pllakë në katedrale. Ata u vendosën në një faltore rreth vitit 1911,shkruan Reuters.
Katedralja është përdorur gjithashtu për kurorëzime të mbretërve dhe mbretëreshave.
Pandemia e COVID-19 tani ka infektuar më shumë se 480,000 njerëz në të gjithë botën me një numër vdekjesh prej 22,000. Aktualisht ka më shumë se 35,000 raste të konfirmuara të virusit në Gjermani.
Gjermania, së bashku me pjesën tjetër të Bashkimit Evropian ka mbyllur kufijtë e saj si rezultat i pandemisë./abcnews.al
ger ta19:43 | 26/03/2020
Në një lidhje direkte për “Mbrëmje në Abc” me Mirela Milorin nga Gjermania ishte mjeku Redi Llubani.
Mjeku foli për situatën sesi po përballohet koronavirusi në Gjermani, ku në krahasim me shtetet e tjera vdekshmëria është shumë më e ulët. Llubani i cili punon në Dusseldolf tha se mosha mesatare e të prekurve në Gjermani është 45 vjeç dhe kjo ka ndikuar edhe në vdekshmërinë e ulët, shkruan abcnews.al
Sipas mjekut ky virus ka prekur kryesisht moshat e reja në Gjermani me imunitet më të fortë, të cilët e kanë përballuar. Po ashtu ai shtoi se në shtetin gjerman nuk është bllokuar lëvizja, por ka një sensibilizim shumë të madh të qytetarëve të cilët respektojnë rregullat.
Pjesë nga intervista:
Redi Llubani: Gjermania ka kaluar numrin e 44 mijë të prekurve, këto janë të dhenta e fundit. Por përqindja e vdekjeve mbetet mjaft e ulët. Nga fundi i javës tjetër do të kemi edhe pikun.
Mirela Milori: Do të jetë kurba më e lartë?
Redi Llubani: Po do të jetë kurba më e lartë dhe deri tani pacientët që janë paraqitur kane qenë moshë e re dhe nuk kanë paraqitur komplikacione. Jemi në pritje nëse ndodh një skenar i tipit italian.
Mirela Milori: Çfarë protokolli po përdoret për tu përballur situata?
Redi Llubani: Për fat të keq nuk kemi protokolle por kemi vetëm disa sugjerime
Mirela Milori: Cilat janë praktikat?
Redi Llubani: Janë kur vjen pacienti në urgjencë dhe i bëhet tamponi, pasi diagnostikohet shtrohet. Ne fillojmë me anti-biotikë. Ne jemi ndarë në grupe të ndryshme për të qenë në mbështetje të urgjencës. Ne kemi bërë tampone në masë dhe shumë testime. Për fat të mirë kemi arritur ti menaxhojmë me sukse.
Mirela Milori: Gjermania po merret si shembull deri tani për shkak të disiplinës së distancës fizike. Sapo respektohen?
Redi Llubani: E mira është këtu që ne kemi filluar që në mes të muajit shkurt që të marrim masa. Njerëzit janë sensibilizuar, edhe në rrugë dhe trena, njerëzit ruajnë gjithnjë distancës. Në supermarkete mbahet radhë. Sensibilizimi është goxha i lartë dhe kjo është shumë gjë e mirë.
Mirela Milori: Si është regjimi i lëvizjes tek ju?
Redi Llubani: Ne nuk kemi kufizime për lëvizjes, por nuk lejohen mbledhjet në publik. Shumica e punonjësve punojnë nga shtëpia. Trenat dhe autobusët janë bërë sipas sistemit të punës. Në parqe te gjithë ruajnë distancën.
Mirela Milori: Ka një debat ku është përfshirë OBSH, shtetet të ndryshme, si po kryhet testimi në Gjermani?
Redi Llubani: Tek ne testohen pacientët që paraqesin simptoma, por niveli i testimeve është shumë i lartë.
Mirela Milori: Ka protokolle të ndryshme, në Itali dhe Spanjë. Kanë qarkulluar lajme në media që janë toleruar moshat e treta, ka një sugjerim të tillë në spitalet tuaja për tu parë me prioritet mosha e re
Redi Llubani: Kjo është një situata alarmuese ndonjëherë mjekët vihen para kësaj përgjegjësie. Ne kemi marrë masat nëse do kemi mbingarkesë. Për fat të keq në Itali ka pasur vetëm 5 mijë shtretër dhe kjo mendohet se çoi në kolaps.
Mirela Milori: Ndër më të rrezikuarit jeni ju, të vijës së parë. Në Neë York kishin problem me mungesën e pajisjeve.
Redi Llubani: Situata aktualisht këtu është më e lehtësuar. Shumë rëndësi ka vetëmbrojtja. Ne kemi bërë disa trajnime për mënyrën sesi duhet të vishemi.
Mirela Milori: Si është shpjeguar numri i ulët i vdekjeve në Gjermani?
Redi Llubani: Këtu tej ne nuk ka ardhur akoma piku. Çfarë më bëri përshtypje një epidemiolog i dëgjuar këtu në Gjermani, tha se mosha mesatare është 45 vjeç dhe në Itali është 65 dhe do të thotë se këtu kemi pasur prekjen e moshave të reja dhe me imunitet të fuqishëm.
Mirela Milori: Mund të ketë një moment kolapsi dhe kur mund të jetë?
Redi Llubani: Duke parë edhe atë në vendet fqinje edhe ne i druhemi kësaj gjëje, prandaj në urgjenca janë përgatitur edhe kampe fushore. Për fat të mirë akoma nuk ka ndodhur një gjë e tillë.
Mirela Milori: Mendoni se mund të ketë një rikthim të epidemisë. Thuhet se mund të kthehet sërish në vjeshtë. Nëse ndodh ky skenar, si e shikoni?
Redi Llubani: Për fat të keq ka patur të prekur edhe në Australi, ku temperaturat janë të larta. Ne presim që me ngritjen e temperaturave të zbutet. Por kemi pasur edhe raste në Itali dhe Kinë të pacientëve që janë risëmurur. Nuk jemi në dijeni nëse pacienti pasi preket krijon imunitet.
Mirela Milori: Nëse do të ishte një epidemi që do të rikthehej, mendoni se do të ishte goditëse apo do jetë më e ulët?
Redi Llubani: Problemi është se ne nuk e dimë që a fiton njeriu imunitet. Tani mbetet shpresa te laboratoret. Nga ana tjetër sic thotë OBSH është shumë e rëndësishme që të identifikohen njerëzit që i mbartin këtë sëmundje. /abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
