Më shumë se 231 persona, mes tyre gazetarë, poetë dhe shkrimtarë, u arrestuan në 24 orët e fundit në Turqi me dyshimin për “lidhje të dyshuara me organizata terroriste”, sipas Ministrisë së Brendshme turke.
Organizatat mediatike duke përfshirë gazetën dygjuhëshe (turqisht-kurdisht) Dicle Firat dhe agjencinë kurde të lajmeve Mezopotamya kanë bërë thirrje për tubime proteste në Dijarbakir, qyteti më i madh kurd në Turqi.
Në një postim në X, ministri i Brendshëm turk Ali Gerlikaya sqaroi të martën se operacionet, të cilat u kryen në “tridhjetë provinca”, çuan në arrestimin e “231 anëtarëve të dyshuar të organizatave terroriste”.
Këta persona u arrestuan për “financim” ose “propagandë” në favor të Partisë së Punëtorëve të Kurdistanit (PKK) ose sepse “emrat e tyre shfaqeshin në strukturat politike dhe mediatike të organizatës terroriste PKK,” shpjegoi ai.
Për më tepër, forcat turke që veprojnë në Irakun verior njoftuan se kishin rifituar kontrollin e provincës Zap dhe “eliminuan” çdo prani të luftëtarëve të PKK-së, siç tha ministri turk i Mbrojtjes Yasar Guler./abcnews.al
