Teuta ende nuk po arrin ta gjejë rrugën e fitores. Këtë javë rikthehet të luajë në shtëpi dhe kundërshtari i durrsakëve do të jetë Skënderbeu. “Djemve të Detit” nuk u lejohet të gabojnë këtë herë dhe do të bëjnë gjithçka të marrin pikët e plota.
Sigurisht nuk do t ëjetë e lehtë, sidomos duke ditur që ndaj korçarëve do të mungojë një nga lojtarët më të rëndësishëm. Fantazisti Sherif Kallaku është ndëshkuar me karton të verdhë në sfidën me Vllazninë dhe për të ishte i katërti.
Mesfushori duhet të shlyejë pezullimin, sikurse bëri një ditë më parë mbrojtësi Rustem Hoxha. Ky i fundit do të jetë gati për ndeshjen me Skënderbeun, ndërkohë që sytë janë edhe nga infermieria. Arbër Çyrbja mungoi në Shkodër për shkak dëmtimi dhe shpresohet që në fundjavë të jetë gati. /abcnews.al
