Kryeministri Edi Rama iu nënshtrua një ndërhyrje kirurgjikalë në Qendrën Spitalore Universitare “Nënë Tereza” në Tiranë mëngjesin e të enjtes.
Shkaku që çoi shefin e qeverisë në sallën e operacionit ishte hernia inguinale.
Ndërhyrja u krye përmes laparaskopisë. Një procedurë mjekësore që sipas mjekëve I jep mundësi pacientit të rikuperohet më shpejt.
Operacioni u krye nga një grup mjekësh që kryesohej nga Profesor Doktor Arben Gjata. Sipas tyre ndërhyrja zgjati rreth dy orë dhe shefi I qeverisë është në gjendje të stabilizuar shëndetësore.
Sipas zyrës së shtypit të kryeministrisë Kryeministri Edi Rama do ta kalojë natën e sotme në mjediset e Qendrës Spitalore “Nënë Tereza”.
Kryeministri Edi Rama pati paralajmëruar se do ti nënshtrohej një ndërhyrje kirurgjikale në fund të muajit gusht kur në QSUT u hap spitali ditor.
Prillin e vitit të shkuar shefi I qeverisë po në të njejtën spital nga ekipi I mjekëve kryesuar nga kirurgu Gjata iu nënshtrua operacionit për apendicitin. /abcnews.al/
