Aksident në Shkodër, lëndohet një 64-vjeçar

SHKODËR- Një aksident rrugor me pasojë lëndimin  e një 64-vjeçari ka ndodhur në vendin e quajtur “Harku i Bërdicës”.

Dy motomjete janë përplasur me njëri-tjetrin, ndërsa i lënduar ka mbetur njëri prej drejtuesve.

Policia thekson se i lënduari është dërguar për mjekim në spitalin rajonal të Shkodrës.

Grupi hetimor po punon për sqarimin e rrethanave të aksidentit.