Iu gjet në banesë doza kokaine, pranga 40-vjeçarit në Tiranë

Një 40-vjeçar është arrestuar këtë të enjte në Kombinat, Tiranë.

Ai akuzohet për veprën penale “Prodhim dhe shitje të narkotikëve”. Gjatë kontrollit fizik në banesë u gjetën sasi të dyshuar narkotike kokainë, të ndara në doza, gati për shitje.

Nga verifikimet e kryera ka rezultuar se ky shtetas pasi siguronte lëndën narkotike në sasi, e ndante atë në doza, të cilat i shiste në lagje të ndryshme të Kombinatit.

Materialet i kaluan Prokurorisë, për veprime të mëtejshme.