Studentë të mjekësisë së përgjithshme në universitetin publik paraqitën pretendimet e tyre rreth projektligjit që I detyron të punojnë në atdhe pas diplomimit para përfaqësuesve të ministrisë së Shëndetësisë, Arsimit dhe deputetëve të mazhorancës dhe opozitës në Kuvend. Ata ishin thirrur në një seancë dëgjimore në klubin parlamentar për të rinjtë.
“Hiqni dorë nga ky projektligj, ftojini gjeni një mënyrë t’i motivoni”
“Nuk mendoj se ka qeveri, ministër që kërkon t’ja bëjë jetën malore, por kjo kërkon diskutim dhe kjo është arsyeja që e vlerësova se është një nga mundësitë e rralla që ne diskutojmë para se të bëjmë ligje”
“Nëse ne gjejmë kushte pune s’ka pse duhet një ligj i ri për të na mbajtur”
Ministria e Arsimit dhe Shëndetësisë mbrojtën projektligjin me argumentin se kanë reflektuar në draft ndryshimet e kërkuara nga Gjykata Kushtetuese.
“Ne kemi 1.9 mjekë për 1 mijë banorë, duhet të shkojmë në raportin e OECD .. ligji ka ardhur si detyrim për të siguruar shërbim shëndetësor për çdo qytetar”
“Ka qasje ndihmuese dhe suportuese në punësimin tuaj .. dhe qëllim është ky dhe ministritë të jenë mbështetëse të studentëve pas një viti .. se ketë nevojë e keni ju e ka dhe shoqëria dhe shteti shqiptar, mos e shihni si proces penalizues”
Ministria e Shëndetësisë sipas projektligjt duhet ti sigurojë punë mjekut të ri brenda tre muajve nga përfundimi i universitetit. Në rastet kur punësimi nuk realizohet për arsye që nuk varen nga mjeku deri në krijimin e mundësisë ai duhet të paguhet me 80% të pagës së mjekut të përgjithshëm për nëntë muaj.
Në rast të kundërt mjeku mund të zgjedhë të punësohet në institucionet shëndetësore jo publike në vend duke ruajtur të drejtën për punësim prioritar në institucionet publike. Kështu detyrimi quhet i kryer e atij i kthehet diploma. Ndërkohë pas vendimit të Kushtetueses qeveria shkurtoi afatet e punës së detyrueshme në Shqipëri nga pesë në tre vjet për studentët e vitit të pare në një vit për ata të vitit të fundit.
