Një e treta e popullsisë urbane të Kinës është në rrezik nga ulja e tokës dhe ulja nën nivelin e detit, sipas një analize të të dhënave satelitore që studiuesit thonë se tregojnë për një fenomen global.
Zona urbane e Kinës nën nivelin e detit mund të trefishohet në madhësi deri në vitin 2120, duke prekur potencialisht 55 deri në 128 milionë njerëz, kanë njoftuar studiuesit e Universitetit të Anglisë Lindore.
Ata përdorën të dhëna satelitore për të studiuar 82 qytete, duke përfshirë Shangain dhe Pekinin, me një popullsi totale prej afro 700 milionë njerëz, raportoi PTI.
Ekipi zbuloi se 45 përqind e tokës urbane të analizuar po fundoset dhe 16 përqind po fundoset me një shpejtësi prej dhjetë milimetra në vit. “Vendet e nxehta” përfshijnë Pekinin dhe qytetin bregdetar të Tianjin, thanë ekspertët.
Studimi vlerësoi se 270 milionë banorë urbanë mund të preken. Gjetjet u publikuan në revistën “Sajens”.
Ulja e tokës nën nivelin e detit shkaktohet kryesisht nga aktivitetet njerëzore në qytete dhe ky fenomen mund të intensifikojë ndryshimet klimatike, të cilat prekin veçanërisht qytetet bregdetare, përfshirë Tianjin, tregoi analiza./abcnews.al
