kine

vf-1.jpg
Sid Orela09:04 | 27/03/2020

Personi i parë i infektuar me koronavirusin e ri në Wuhan mendohet të jetë një grua e cila shiste karkalecë të gjallë.

Gruaja në fjalë shiste tek marketi në të cilin mendohet të ketë nisur fillimisht pandemia. Infrormacionet vijnë nga një dokumet i klasifikuar që ka “rrjedhur” në media. Zonja Wei jetonte në një apartament me qira më pak se 500 metra nga vendi ku ndodhej marketi dhe ka pasur temperaturë më 11 dhjetor.

Duke menduar se kishte gripin sezonal, ajo shkoi tek një klinikë e vogël  që kishte afër për të kërkuar ndihmë mjekësore, por injeksionet që i bënë nuk e shëruan. Dokumenti në fjalë nuk e tregonte indetitetin e plotë të gruas në fjalë, por sipas The Ëall Street Journal ajo është 57-vjeçare dhe emri i saj i plotë është Wei Guixian.

Qendra Kineze për Kontrollin dhe Parandalimin e Sëmundjeve tha në janar se koronavirusi ishte kaluar tek njerëzit nga kafshët e egra të shitura për ushqim në marketin ku punonte Wei.

Shitësja ka treguar më tej se vazhdoi të shiste produkte deti tek tregu ndërsa ishte e sëmurë dhe më pas shkoi tek një spital të madh në Wuhan, për një opinion në dytë.

Më pas mjekët në një spital tjetër kuptuan se rasti i saj ishte i pazakontë dhe i ngjashëm me shumë raste të tjera të dyshimta që po zbuloheshin në vend. /abcnews.al/

chinaaa-1.jpg
Sid Orela15:50 | 26/03/2020

Mjekët në Kinë kanë zbuluar se 147 pacientë që supozohej të ishin shëruar kanë rezultuar sërish pozitivë me koronavirusin.

Zbulimet janë bërë tek pjesëmarrësit e një studimi që është bërë në spitalet e Wuhan-it. Lajmin e ka bërë të ditur Wang Wei, drejtues i spitalit Tongji në Wuhan duke folur për CCTV. Ndërkohë, 14 për qind e personave që ishin shëruar kanë rezultuar pozitivë më patogjenin kohë më pas në provincën Guangdong, shkruan abcnews.al

Në studimin e realizuar nga mjekët e Wuhan-it, pacientët e shëruar nuk shfaqën më simptoma pasi rezultuan pozitivë për herë të dytë. Kërkuesit nuk gjetën prova që mund të vërtetonin që ata ishin infektuar sërish pasi të gjithë anëtarët e familjeve të tyre kanë rezultuar negativë.

Më tej, ekspertët sqaruan se persona të afërt me këta pacientë nuk janë infektuar prej tyre, pra ata nuk e kanë transmetuar virusin.

Në studim thuhet:

“Ekziston mundësia që këta pacientë të shëruar të kenë dalë negativë më herët pasi testet nuk kanë dhënë përgjigje të saktë. Saktësia e një testi të acidit nukleik është 30 deri në 50 për qind.”

Pritet që në muajt në vijim të mbahen studime më të gjera me në qendër komunitetet në Wuhan për të pasur përgjigje më të qarta në lidhje me koronavirusin. /abcnews.al/

FG-1.jpg
Sid Orela15:53 | 25/03/2020

Disa media kineze kanë filluar që të raportojnë se koronavirusi është “me origjinë nga Italia”.

Sipas këtyre mediave, koronavirusi nuk ka “lindur” në Wuhan, por në Itali dhe këto pretendime vijnë pasi një profesor nga Milano kishte deklaruar më herët se në vend po rergjistroheshin raste të çuditshme pneumonie.

Këto raste thuhet të jenë regjistruar në nëntor ndërsa koronavirusi është identifikuar fillimisht nga fundi i dhjetorit të vitit që lamë pas.

Tashmë Beijing po e mohon versionin e mbajtur gjerësisht se qyteti i Wuhan-it është vendi ku është shfaqur për herë të parë Covid-19 pasi numri i rasteve aty ka shkuar në zero dhe tashmë pandemia është përhapur më aktive në Evropë. Organizatat e lajmeve të drejtuara nga shteti përfshirë The Global Times dhe CCTV kanë komentuar deklaratat e bëra nga profesori italian Giuseppe Remuzzi.

Eksperti i lindur në Bérgamo ishte shprehur se sëmundja mund të kishte qarkulluar në Itali për muaj të tërë para se njerëzit të ndërgjegjësoheshin për epideminë në Kinë.

Profesori Remuzzi ka mohuar të ketë komentuar në lidhje me origjinën e virusit duke i sqaruar mediat kineze se se pika kryesore e komenteve të tij ishte se deri ku ishte përhapur virusi përpara se të zbulohej, jo nga vinte. /abcnews.al/

skynews-spain-coronavirus_4955125.jpg
eri Ida15:36 | 25/03/2020

Spanja është vendi i dytë pas Italisë që ka kaluar për nga numri i viktimave vendin e eshpërthimit të koronavirusit.

Vetëm në 24 orët e fundit Spanja ka regjistruar 738 viktima, duke e çuar në 3,434 numrin total të personave që kanë humbur jetën nga COVID 19, ndërkohë që në Kinë numri i viktimave nga koronavirusi ka arritur në 3,285. Ndërkohë deri më tani numri i personave të infektuar në Spanjë është  47,610 persona.

Ndërsa Italia vijon të mbetet vendi i parë në botë që ka humbur më shumë persona si pasojë e koronavirusit, numri i viktimave në këtë shtet ka shkuar në 6,820./abcnews.al

jtli200318.jpg
So Nila13:40 | 25/03/2020

Kryeministri kinez Li Keqiang ka paralajmëruar zyrtarët lokalë të mos fshehin rastet e reja me  koronavirus, disa ditë pasi vendi nuk raportoi raste të reja me koronavirus.

Li, i bëri thirrje qeverive lokale të hënën të “kërkojnë të vërtetën nga faktet” dhe të jenë “të hapur ” në vërtetësinë e informacionit mbi pandeminë.

“Të jesh transparent do të thotë që një rast i ri duhet të raportohet pasi të zbulohet. Nuk duhet të fshihet asgjë ose të ketë raportim të ulët”, u tha ai zyrtarëve të ngarkuar me luftën kundër Covid-19 ,

Paralajmërimi i Li duket se është pjesë e një përpjekje  për të rifituar besimin e popullit në mes të akuzave të vazhdueshme që zyrtarët lokalë  nuk treguan me qëllim realitetin e situatës gjatë fazave të para të shpërthimit të virusit./abcnews.al

hanta.jpg
So Nila15:02 | 24/03/2020

Në momentin kur bota është duke u përpjekur për të gjetur një kurë për të luftuar përhapjen e koronanvirusit, një tjetër virus është shfaqur në Kinë.

Global Times raporton se një burrë nga Kina vdiq nga Hantavirusi, ndërsa  po udhëtonte në autobus për në provincën Shandong.

Ndërkohë të gjithë personat që kanë qënë në autobus i janë nënshtruar testit.

Çfarë është Hantavirusi?

Qendra për Kontrollin e Sëmundjeve thotë se virusi është përhapur kryesisht nga brejtësit. Infeksioni nga hantavirusi mund të shkaktojë sëmundje  tek njerëzit nëse kanë kontakt me minjtë për shembull, por nuk transmetohet nga njeriu tek njeriu.

“Hantaviruset në Amerikë njihen si ” Bota e Re “dhe mund të shkaktojnë sindromën pulmonare hantavirus (HPS).

Ndërsa në Europë njihen me emrin: “Bota e Vjetër” dhe mund të shkaktojnë  ethe hemorragjike me sindromën renale( gjakderdhje në mushkëri dhe probleme të veshkave)./abcnews.al

 

chinaa-1.jpg
Sid Orela08:45 | 24/03/2020

Kufizimet e udhëtimit për dhe nga provinca Hubei në Kinë do të hiqen më 25 mars.

Komisioni i Shëndetit në provincë tha të martën se do të heqë të gjitha kufizimet e udhëtimit me përjashtim të qytetit të Ëuhan-it që është edhe epiqendra e epidemisë.

Pas mesnate, njerëzit që jetojnë në këtë zonë do të jenë të lirë që të lëvizin pas mesnate. Sa i përket Wuhan-it, kufizimet për udhëtime pritet që të hiqen me 8 prill. Pas 8 prillit njerëzit do mund të lëvizin por duke ndjekur një kod shëndeti.

Qyteti ka qenë i izoluar që me 23 janar. 50 milionë banorëve ju komunikua se do të qëndronin në shtëpi dhe mund të dilnin vetëm nëse kishte ndonjë emergjencë.

Në të gjitha banesat, vetëm një person mund të dilte nga shtëpia për të blerë ushqime dhe gjëra të tjera të nevojshme.

Në ndryshim nga shumë vende të tjera, hotelet, farmacitë, dyqanet e ushqimeve e biznese të tjera esenciale u mbajtën hapur në Ëuhan, ndërsa biznese të tjera u urdhëruan që të mbyllen. /abcnews.al/

chinaaa.jpg
Sid Orela15:57 | 23/03/2020

Një nga ekspertet mjekësore më të mira në Kinë ka paralajmëruar vendin se mund të përballet me një përhapje të dytë të epidemisë.

Prej disa javësh tashmë në Kinë kurba e epidemisë ka qenë në rënie, por teksa numri i rastave “vendase” shkon drejt zerimit, raste të “huaja” po e sjellin sërish koronavirusin në vend.

Profesoresha Li Lanjuan, anëtare e ekipit të ekspertëve në Beijing për trajtimin e virusit, është shprehur se është shumë e shqetësuar se rastet mund të rriten sërish në shifra shqetësuese.

Komentet e saj vijnë pak pasi autoritetet e shëndetit në vend raportuan rastin e parë të dikujt që besohet ta ketë marrrë virusin nga një person që vinte nga jashtë shtetit.

Frika për një përhapje të dytë vjen në një kohë kur jeta në ish-epiqendrën e Covid-19 po kthehet drejt normalitetit pas izolimit dy-mujor.

Vetëm gjatë 24 orëve të fundit, në Kinë janë regjistruar 39 raste të reja me koronavirus dhe kanë ndërruar jetë 9 persona. /abcnews.al/

fellaini.jpg
Vladimir Prenga08:41 | 22/03/2020

Coronavirusi vazhdon të prekë futbollistët. Një ditë më parë u konfirmua se pozitiv me COVID-19 kishin dalë Paolo Dybala, Daniele e Paolo Maldini. Gjendja e tyre është e mirë, por në Itali paniku është i madh për shkak të numrit të madh të të prekurve dhe viktimave, që vijojnë të shtohen me ritme të larta.

I fundit që ka dalë pozitiv është ish-lojtari i Manchester United dhe i disa ekipeve të njohura në Europë, Marouane Fellaini. Lojtari i kombëtares belge ka dalë pozitiv, pas testit të bërë në provincën e Jian, në Kinë. Ai e ka bërë testin më 20 janar, pas një udhëtimi me tren.

Futbollisti 32-vjeçar është pjesë e Shandong Luneng, skuadër që garon në Superligën kineze. Ai u transferua aty në verën e vitit 2019 dhe në sezonin e tij të parë ia doli të shënonte 13 gola në të gjitha garat, duke e ndihmuar  Shandong Luneng të renditej në vendin e pestë në klasifikim. /abcnews.al

rusia-2-3.jpg
eri Ida08:24 | 20/03/2020

Bota së fundmi është nën pushtetin e koronavirusit , ku deri më tani janë shënuar 10 mijë e 46 viktima që nga shfaqja e tij në fund të 2019.

Vendet më të prekura nga COVID 19 është Italia dhe Kina, por vendi Europian tashmë e ka kaluar duke shënuar 3 mijë e 405 kundrejt 3 mijë e 248 të Kinës.

Por në vendin e origjinës të koronavirusit, tashmë kanë mbetur vetëm 6 mijë pacientë që janë drejt rikuperimit teksa ditën e djeshme nuk u shënua asnjë rast i brendshëm me koronavirus por disa të importuara.

Nga 80 mijë të infektuar që arriti bilancin Kina, 3 mijë e 248 vdiqën, 71 mijë u shëruan teksa 6 mijë mbeten në shërim e sipër. Ndryshe nga Italia e cila ka 41 mijë të infektuar nga të cilët 3 mijë e 400 të vdekur dhe 4 mijë të rikuperuar. Kurse Koreja e Veriut ka 8 mijë të infektuar dhe 2 mijë të shëruar por ka vetëm  94 viktima./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono