Sadio Mane po kalon momentin më të mirë në karrierë. Sulmuesi i Liverpoolit ka shënuar 10 gola dhe numëron 5 asiste për shokët e skuadrës deri në këtë fazë të sezonit në të gjithë kompeticionet.
Senegalezi ka dhënë një prononcim për France Football. Elozhet për Jurgen Klopp nuk mungojnë dhe Mane tregon lidhjen e veçantë me trajnerin gjerman.
“Sekreti i tij është fakti që sillet si një baba me të gjithë ne. Të gjithë e duam, por edhe e kemi frikë. Jurgen zë një hapësirë të madhe në jetën time, jo vetëm në aspektin e futbollit. Ai është një person fantastik, i besoj verbërisht dhe besoj se kështu është edhe për lojtarët e tjerë“, thekson ylli i kampionëve të Evropës. /abcnews.al
