43-vjeçari Armand Duraj i cili lëvizte me armë zjarri nëpër Tiranë, sapo ka parë policin ka vrapuar menjëherë dhe ka hedhur në tokë pistoletën.
Menjëherë është bërë e mundur arrestimi i tij, gjithashtu dhe shtetasi Elvis Cela ka përfunduar në prangat e policisë, pasi nuk ka kallëzuar krimin.
Ndërkohë, arma e zjarrit së bashku me krëhërin e municionin luftarak u sekuestrua në cilësinë e provës materiale.
Njoftimi i Policisë:
Në zbatim të masave të planit operacional “Sundimi i ligjit”, për goditjen e rasteve të armëmbajtjes pa leje, u finalizua operacioni policor i koduar “Glock”.
Operacioni u zhvillua nga Komisariati i Policisë Nr. 2.
Sekuestrohen një armë zjarri më krehër e municion luftarak, vihet në pranga poseduesi.
Vihet në pranga dhe një 23-vjeçar, për moskallëzim krimi.
Shërbimet e Komisariatit të Policisë Nr. 2 në vijim të zbatimit të masave të caktuara në planin operacional “Sundimi i ligjit”, bazuar në informacionet e siguruara për një rast armëmbajtjeje pa leje, kanë organizuar dhe kanë finalizuar operacionin policor të koduar “Glock”.
Si rezultat i këtij operacioni u bë arrestimi i shtetasve 43 vjeç, dhe 23 vjeç, të dy banues në Tiranë.
Shërbimet e Policisë kanë konstatuar në rrugën “Prokop Mima”, shtetasin i cili sapo ka vënë re punonjësit e Policisë, ka tentuar të largohet me vrap dhe ka hedhur në tokë një armë zjarri pistoletë, ndërsa shtetasi nuk ka kallëzuar krimin.
Arma e zjarrit së bashku me krëhërin e municionin luftarak u sekuestrua në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme./abcnews.al
