Ish-presidenti amerikan Donald Trump thotë se Izraeli duhet të “përfundojë atë që filloi”, duke shtuar se ata po e humbin luftën e marrëdhënieve me publikun.
“Çdo natë, ata po publikojnë pamje të një ndërtese që bie. Ata nuk duhet të publikojnë kaseta të tilla. Kjo është arsyeja pse ata po humbasin luftën e PR (Marrëdhëniet me Publikun). Izraeli po humbet absolutisht luftën PR,” tha Trump në një intervistë me The Hugh Hewitt Show.
Ndër të tjera Trump përsëriti komentet e tij të mëparshme për sulmin e 7 tetorit ndaj Izraelit nga grupi palestinez Hamas , duke thënë se nuk do të kishte ndodhur nëse ai do të ishte president, duke shtuar se administrata e tij do të kishte një marrëveshje me Iranin.
“Dhe ajo që thashë shumë qartë është që ta mbarojmë dhe le të kthehemi në paqe dhe të ndalojmë vrasjen e njerëzve. Ata duhet të përfundojnë atë që përfundojnë. Ata duhet ta bëjnë atë, ju duhet të ktheheni në normalitet dhe paqe.” / abcnews.al
