Një aksident i rëndë ndodhi mbrëmjen e së mërkurës në vendin e quajtur “Kryqëzimi i Grecallisë”, në Fier. Një automjet përplasi një këmbësor, i cili humbi jetën në spital.
Si pasojë, mësohet se policia ka arrestuar 20-vjeçarin, drejtues të automjetit.
“Në vijim të informacionit të dhënë mbrëmjen e djeshme, për një aksident në vendin e quajtur “Kryqëzimi i Grecallisë”, Fier, ku automjeti me drejtues shtetasin përplasi shtetasin 52 vjeç, i cili humbi jetën në spital, informojmë se specialistët e Sektorit të Policisë Rrugore të DVP Fier arrestuan në flagrancë shtetasin , 20 vjeç, banues në Mbrostar Ura“, thuhet në njoftimi e policisë.
Ndërkohë, materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme./abcnews.al
