“Nuk mund të ketë drejtësi për popullsinë ukrainase pa përgjegjësi të plotë për të gjitha krimet e kryera nga Rusia që nga ndërhyrja e saj ushtarake në vitin 2014”. Kështu deklaroi Amnesty International në një deklaratë për shtyp, në prag të dyvjetorit të pushtimit rus të Ukrainës.
Amnesty International kujton se që nga pushtimi i Krimesë në vitin 2014 ka dokumentuar mizori të shumta, duke përfshirë sulme kundër civilëve dhe infrastrukturës civile, zhdukje, ekzekutime, tortura, privime të lirisë, transferime të detyruara të civilëve dhe përdorim të dhunës kundër të burgosurve të luftës.
“Ndërsa lufta është ende në vazhdim, është e nevojshme të ruhen sa më shumë prova të çdo mizorie individuale. Ata që janë përgjegjës për krimet sipas ligjit ndërkombëtar duhet të mbajnë përgjegjësi, pavarësisht se sa kohë zgjat”, tha Denis Krivosheev, zëvendës Drejtor për Evropën Lindore dhe Azinë Qendrore në Amnesty International.
“Në periudhën midis 2014 dhe 2021, mbi 10,000 civilë ukrainas humbën jetën ose u plagosën. Shkelje të shumta të ligjeve të luftës u dokumentuan tashmë në vitin e parë të konfliktit”, shtoi ai./abcnews.al
