Tashmë gjithçka është zyrtare, një tjetër shqiptar do ti bashkohet Ernest Muçi e Jurgen Çelhakës, te “gjigantët” polakë, të Legia Warzaw, me drejtuesit e këtyre të fundit, që kanë arritur një marrëveshje me “Dardanët” e Ballkanit për transferimin e “fantazistit”, Qëndrim Zyba, në Ekstraklasa, për shifrën e 400 mijë eurove.
Sipas raportimeve më të fundit të mediave, Ballkani do të mbajë edhe 20% të kartonit të Zybës, një ndër lojtarët më të mirë në kampionatin dardan në vitet e fundit. 22-vjeçari ka fituar dy tituj kampionë me skuadrës e Ilir Dajës, si dhe numëron plot 26 ndeshje evropiane me Ballkanin.
Ndërkaq, më tej raportohet, se lojtari shqiptar ka udhëtuar sot drejt kryeqytetit polak për të kryer testet mjekësore dhe më pas do të vijë firma mbi kontratë dhe zyrtarizimi i tij si lojtari më i ri i Legia-s. /i.m /abcnews.al
