Organizata Botërore e Shëndetësisë ka miratuar një rezolutë, që bën thirrje për akses të menjëhershëm të ndihmat jetike humanitare dhe përfundimin e luftimeve në Gaza.
E para që miratohet nga një agjenci e Kombeve të Bashkuara, rezoluta bën thirrje për kalimin e menjëhershëm, të qëndrueshëm dhe të papenguar të ndihmës humanitare, duke përfshirë aksesin e personelit mjekësor. Propozimi u miratua me konsensus në fund të një sesioni special të Bordit Ekzekutiv të OBSH-së të dielën.
Rezoluta po ashtu u bënë thirrje të gjitha palëve të përmbushin detyrimet e tyre sipas ligjit ndërkombëtar.
Drejtori i Përgjithshëm i Organizatës Botërore të Shëndetësisë, Tedros Ghebreyesus bëri thirrje për një armëpushim afatgjatë. “Nuk mund të ketë paqe pa një armëpushim, dhe pa paqe atje, nuk ka shëndet,” u shpreh ai.
Takimi special i bordit ekzekutiv ishte vetëm i shtati në historinë 75-vjeçare të OBSH-së.
Referuar të dhënave të OKB-së rreth 80 për qind e popullsisë është zhvendosur dhe përballet me mungesën e ushqimit, ujit dhe ilaçeve së bashku me një kërcënim në rritje të sëmundjeve.
/abcnews.al
