Zëdhënësi i DASH, Matthew Miller deklaroi se Izraeli duhet të sigurojë qasje në ushqim, ujë dhe kujdes mjekësor në spitalin Al-Shifa të Gazës.
Miller e bëri deklaratën një ditë pasi forcat izraelite bastisën kompleksin më të madh mjekësor në Gaza, i cili tashmë ishte në vështirësi për shkak të mungesës së karburantit dhe furnizimeve të tjera, shkruan Al Jazeera.
“Ne presim që Izraeli të respektojë ligjin ndërkombëtar humanitar dhe në masën që ata po marrin territor në Gaza,” tha Miller. “Sigurisht, ne do të presim që ata të sigurojnë që pacientët të trajtohen në mënyrë njerëzore [dhe] pacientët të kenë akses në ushqim, ujë, kujdes mjekësor.”
Zyrtarët e Al-Shifa kanë thënë se ka rreth 650 pacientë të bllokuar në spital së bashku me rreth 5,000 deri në 7,000 civilë të zhvendosur./abcnews.al
