Tani është e sigurt se viti 2023, një vit i valëve vdekjeprurëse të të nxehtit, përmbytjeve dhe zjarreve është viti më i nxehtë i regjistruar ndonjëherë, sipas të dhënave të reja të tetorit, shkruan BBC.
Temperaturat mesatare globale të ajrit ishin 0.4C më të ngrohta se niveli i mëparshëm i tetorit 2019. I nxitur nga emetimet e karbonit dhe fenomenit të motit El Niño, ky ishte muaji i pestë më i nxehtë.
Temperaturat ekstreme globale ka të ngjarë të vazhdojnë deri në vitin 2024, sipas studiuesve. Që ky vit do të jetë më i ngrohti i regjistruar ndonjëherë, tani është pothuajse e pashmangshme: dy muajt e fundit të vitit 2023 nuk kanë gjasa të ndryshojnë trendin dhe temperaturat e larta në mbarë botën kanë vazhduar deri në nëntor.
Korriku ishte aq i nxehtë sa mund të ketë qenë muaji më i nxehtë në 120,000 vjet, ndërsa temperaturat mesatare të shtatorit thyen rekordin e mëparshëm me 0.5 gradë Celsius.
Tetori nuk ishte aq i nxehtë sa shtatori, por megjithatë ka thyer rekordin për muajin me një diferencë “të jashtëzakonshme”, sipas Shërbimit të Ndryshimeve Klimatike Copernicus.
Muaji ishte 1.7C më i ngrohtë se mesatarja para-industriale, që do të thotë krahasuar me periudhën përpara se njerëzit të fillonin të digjnin sasi të mëdha të lëndëve djegëse fosile.
Temperaturat e larta gjatë gjithë vitit deri më tani nënkuptojnë se 2023 është viti më i nxehtë në botë, duke mposhtur vitin 2016. Kjo është pikëpamja e një numri organesh shkencore, duke përfshirë Kopernikun dhe grupet amerikane NOAA dhe Berkeley Earth.
/abcnews.al
