Është mbyllur takimi mes Kukësit dhe Vllaznisë, me rezultatin 1-2 në favor të ekipit shkodran. Ndeshja u luajt në Elbasan Arena dhe ishte e vlefshme për javën e shtatë të Kategorisë Superiore. Vllaznia e nisi në mënyrë të shkëlqyer këtë sfidë, duke gjetur golin shumë shpejt. Në minutën e shtatë, Guimaraes gjen rrjetën, duke shokuar verilindorët.
Kukësi pati shumë raste në këtë takim, por goli erdhi vetëm në minutën e 54-ët. Vasil Shkurtaj barazoi gjithçka për blutë e Shpëtim Duros dhe u duk se do të vinte përmbysja e madhe, por me anë të një kundërsulmi në minutën e 79-të, Lika do të shënonte me të majtën, duke i dhënë fitoren shkodranëve.
Pas shtatë javësh kampionat, Vllaznia ngjitet në krye të klasifikimit, me pikë të barabarta me Bylisin (12). Ndërsa Kukësi mbetet në vend të shtatë, me vetëm 7 pikë./abcnews.al
KATEGORIA SUPERIORE – JAVA 7
E shtunë, më 5 tetor, ora 17:00
Stadiumi “Elbasan Arena”, Elbasan
Kukësi-Vllaznia 1-2
Shkurtaj 54’ / Guimaraes 7’, G. Lika 79’
Kukësi: Xhika, Kitanovksi, Teqja, Obanor, Kotobelli (Daku 80′), Musolli, Limaj, Rroca (Ethemi 70′), Gavazaj, Abazaj, Shkurtaj. Trajner: Shpëtim Duro
Vllaznia: Sherri, Gurishta, Malota, Shehi, Marku, Krymi, Ramadani, Guimaraes (Goddfrey 64′), Gligorov (Ristevski 81′), Lika, Shtubina (Kruja 57′), Trajner: Mirsad Jonuz.
Kartonë të verdhë: Shehi 31’, Ramadani 67’
