Presidenti amerikan Joe Biden pritet të mbajë një fjalim të enjten në të cilin do të paralajmërojë se Shtetet e Bashkuara po përballen me një kërcënim për demokracinë e tyre.
Biden i është rikthyer toneve agresive kundër republikanit Donald Trump dhe aleatëve të tij përpara zgjedhjeve presidenciale të vitit të ardhshëm. Biden po përgatitet të kandidojë për një mandat të dytë, por shumë amerikanë janë të shqetësuar për moshën e tij, ai do të mbushë 81 vjeç në nëntor.
Ai shpreson të zbusë shqetësimet duke paralajmëruar për kërcënimin e mundshëm të Trump për demokracinë, duke përmendur shembullin e sulmit të 6 janarit 2021 në Kapitolin e Shteteve të Bashkuara.
Mbrëmë, nga San Francisko, Biden tha se do të kandidonte sepse “dhuna politike në Amerikë nuk është kurrë e pranueshme”.
“Donald Trump dhe mbështetësit e tij janë të vendosur të shkatërrojnë demokracinë amerikane sepse duan të çmontojnë strukturat institucionale”, tha ai.
/abcnews.al
