Ashtu siç pritej, “rrogozhinasit” e Egnatias kanë fituar bindshëm sfidën e pasdites së sotme, ndaj “verilindorëve” të Kukësit, duke arritur të gjejnë fitoren e parë të këtij sezoni, në Abissnet Superiore.
Siparin e golave e çeli “fantazisti” lituanez, Gytis Paulauskas, i cili përfiton nga një gabim në mbrojtjen e “verilindorëve” duke gjetur rrjetën e parë të sfidës. Vetëm 10 minuta më vonë, protagonist do të bëhej “bomberi” ganez, Raphael Dëamena, i cili pas një pasimi në hyrjen e zonës mposht portieri Brozi, me një goditje fantastike, duke e mbyllur pjesën e parë me rezultatin e dyfishtë.
Me fillimin e pjesës së dytë pritej “zgjimi” i lojtarëve të Kukësit, mirëpo një gol tjetër i Dëamena në minutën e 51’-të dhe goli i Isgandarli në miuntën e 58’ shkatërruan totalisht shpresat e kuksjanëve për të gjetur pikët e para këtë edicion.
Falë këtij rezultati Egnatia ngjitet në vendin e 4-rt të renditjes, me 3 pikë dhe në përballjen e radhës do të presë në shtëpi Erzenin, ndërsa Kukësi mbetet në vendin e fundit dhe javën e ardhshme do të udhëtojë drejt tranfertës së vështirë të Dinamo City. /i.m /abcnews.al
SHIKONI GOLAT:
Goli i Gytis Paulauskas, 0-1:
Goli i Raphael Dwamena, 0-2:
Goli i Raphael Dwamena, 0-3:
Goli i Vusal Isganderli, 0-4:
