PSG ka marrë lajme të mira nga infermieria. Kampionët e Francës u surprizuan në shtëpi nga Reims të mërkurën, duke humbur me rezultatin 0-2. Kjo ishte humbja e dytë në kampionat këtë sezon.
Pavarësisht kësaj, PSG kryeson kampionatin francez bashkë me Angers me nga 15 pikë. Ekipi i është bashkuar në stërvitje Kylian Mbappe dhe diçka e tillë ka gëzuar trajnerin Tuchel.
20-vjeçari i ka kaluar problemet në kofshë dhe ka nisur stërvitjet me ekipin. Edhe Icardi është bashkuar me grupin dhe të dy mund të aktivizohen disa minuta nesër kundër Bordeaux.
“Mbappe dhe Icardi janë bashkuar me grupin dhe janë të gatshëm për të luajtur disa minuta në ndeshjen e radhës”, konfirmoi trajneri gjerman i PSG.
Rikthimi i Mbappe është një lajm i mirë edhe për Didier Deschamps. Trajneri i kampionëve të botës do të shpallë të enjten listën e lojtarëve të grumbulluar për ndeshjet kundër Islandës dhe Turqisë dhe sulmuesi do të jetë një nga emrat e grumbulluar. /abcnews.al
