Loading ...
Autoritetet ruse akuzuan Ukrainën për koordinimin e një fushate telefonike masive për të manipuluar rusët, veçanërisht të moshuarit, për t’i vënë zjarrin infrastrukturës, duke përfshirë zyrat e rekrutimit në Rusi. Incidentet e zjarreve në ndërtesat publike kanë qenë në rritje muajt e fundit.
Për autoritetet ruse, kjo valë vandalizimi është në thelb rezultat i një operacioni telefonik ukrainas. “Punonjësit e ministrisë së Punëve të Brendshme ruse po regjistrojnë një rritje të fortë në fushat tona të raportimeve për përdorimin e një taktike të re mashtrimi telefonik nga Ukraina”, tha ministria.
Sipas Rusisë, telefonuesit pretendojnë se kanë vjedhur para nga viktimat e tyre dhe premtojnë se do t’i kthejnë nëse i vënë zjarrin një ndërtese. Ose ata janë shtyrë të besojnë se zjarri është pjesë e një plani për të kapur kriminelët. “Ndonjëherë, ata thjesht i kërcënojnë edhe me vrasjen e njerëzve të tyre,” tha ministria.
“Të gjitha këto përfundojnë në të njëjtën mënyrë: atyre u kërkohet t’i vënë flakën infrastrukturës ushtarake, transportuese apo bankare. Pothuajse të gjithë mashtruesit telefonikë janë të vendosur në Ukrainë dhe ndjekin të njëjtat urdhra. Shumica e viktimave të tyre janë persona të moshuar”, tha ministria.
Prokuroria paralajmëron se vënia e zjarrit në infrastrukturën ushtarake mund të konsiderohet si “akt terrorist” ose “sabotim”, i cili dënohet shumë rëndë./abcnews.al
