Agjencia Australiane e Hapësirës ka përfunduar hetimin e nisur për një kapsulë misterioze që u nxor në breg nga deti në një plazh të Australisë Perëndimore.
Pas hetimit dy-javor për origjinën e kapsulës, ASA njoftoi të hënën se objekti i përket Organizatës Indiane të Kërkimit Hapësinor.
“Ne kemi konstatuar se objekti ka shumë të ngjarë të jetë mbetje nga një fazë e tretë çmontimi i një mjeti lëshues satelitor polar (PSLV), “njoftoi ASA në profilin e tyre zyrtar në Twitter.
“PSLV është një mjet lëshimi i operuar nga [ISRO].”
Lexo edhe: Panik në Australi, një objekt misterioz shfaqet në plazh
Kujtojmë se objekti u gjet nga një qytetar në breg të detit më 15 korrik, ndërsa ASA fillimisht dyshoi se mbetjet mund t’i përkisnin ndonjë anijeje kozmike.
“Mbetjet mbeten në ruajtje dhe Agjencia Australiane e Hapësirës po punon me ISRO, e cila do të sigurojë konfirmim të mëtejshëm për të përcaktuar hapat e ardhshëm, duke përfshirë marrjen në konsideratë të detyrimeve sipas traktateve hapësinore të Kombeve të Bashkuara”, shkruan ASA.
Cilindri është rreth 2.5 metra i gjerë dhe midis 2.5 dhe 3 metra i gjatë dhe shkaktoi jo pak reagime kur doli fillimisht në breg.
We have concluded the object located on a beach near Jurien Bay in Western Australia is most likely debris from an expended third-stage of a Polar Satellite Launch Vehicle (PSLV).
The PSLV is a medium-lift launch vehicle operated by @isro.
[More in comments] pic.twitter.com/ivF9Je1Qqy
— Australian Space Agency (@AusSpaceAgency) July 31, 2023
