Real Madrid përballet nesër me skuadrën e Osasuna në shtëpi dhe për ekipin e Zinedine Zidane është detyrim triumfi. Trajneri francez ka dalë sot në konferencë për shtyp dhe thekson se duhet që futbollistët e tij të jenë të bashkuar.
“Luajmë si skuadër, nga i pari tek i fundit. Kjo është çka duhet të bëjmë në çdo ndeshje. Në këtë kampionat mund të ndodhë çdo gjë dhe kur sheh kaq shumë skuadra në vendet e para, të kërkohet të japësh maksimumin në çdo ndeshje”, është shprehur ndër të tjera tekniku i madrilenëve.
Një tjetër temë për të cilën ai foli janë dëmtimet: “Më shqetëson kjo, por është pjesë e futbollit. Shpresoj që për Mendyn të ketë ndonjë problem të vogël. Lojtarët nuk janë makina, ata nuk pushojnë kurrë. Pas këtij raundi ata do të kthehen sërish nëpër kombëtare. Dëmtimet më mërzisin, por nuk shqetësohem shumë për to”.
Në fund Zidane është ngacmuar edhe për emra të përveçëm, si Bale dhe James: “Bale është i përfshirë si gjithë të tjerët dhe dëshiron t’i bëjë gjërat siç duhet. Na ndihmon shumë, si në sulm, ashtu edhe në mbrojtje. Lojtarët e fortë mbeten të tillë dhe James është një prej nesh. Kemi 25 lojtarë dhe të gjithë të japin kontributin e tyre për të arritur objektivat e klubit”. /abcnews.al
