Serbia është e shqetësuar nga ideja që Turqia mund të marrë drejtimin e Misionit Paqeruajtës të NATO-s në Kosovës.
Kjo ishte ajo çfarë deklaroi Sekretari i Ministrisë së Mbrojtjes në Serbi Nemanja Staroviç në një intervistë televizive ndërsa akuzoi Ankaranë zyrtare se po i dhuron armatime Kosovës në kundërshtim me rezolutën 12 44 të Kombeve të Bashkuara.
“Ne po përdorim të gjitha kanalet në dispozicion për të paralajmëruar Turqinë se kjo është e papranueshme për ne dhe ajo që është veçanërisht shqetësuese është fakti se Turqia do të marrë komandën e KFOR-it brenda pak muajsh në vjeshtë të këtij viti. Kjo do të jetë hera e pare që Turqia do të jetë në krye të KFOR dhe për ne është e rëndësishme që të kemi një bashkëpunim të mire”, ka thënë sekretari i mbrojtjes Nemanja Staroviç.
Nemanja Staroviç deklaroi se Inteligjenca Serbe ka burime që besojnë nuk është e mundur që Kosova të ketë blerë vetë dronët Bajraktarë TB-2 pasi nuk ka buxhet ndërsa tha edhe se mbi këtë veprim kanë i kanë dorëzuar ambasadorit të Turqisë në Beograd një note proteste. Sekretari I Ministrisë së Brendshme Serbe ka deklaruar se nuk bëhet fjalë vetëm për dronët Bajraktar por edhe për municione të tjera ndërsa shtoi se forcat Turke po trajnojnë Forcat e Sigurisë së Kosovës.
Nemanja Staroviç konfirmoi në intervistën e tij për radio televizionin e Serbisë se Presideni i vendit Aleksandër Vuçiç do të takohet me Sekretarin e Përgjithshëm të Nato-s Jens Stoltenberf për të diskutuar më tej mbi këto shqetësime./abcnews.al
