Refuzimet e njëpasnjëshme të bordit të Tottenham, për kartonin e Harry Kane kanë “nervozuar” jo pak bordin e Bayern, me këta të fundit që në rast mos arritjeje marrëveshje në ditët në vazhdim do të tentonin 2 opsione të reja për t’i afruar si huazime, vetëm për 1 sezon.
Ndër emrat e përmendur ishte dhe ai i “fantazistit” të Manchester City, Julian Alvarez, me kampionin e botës, që pëlqehet shumë nga bordi i “bavarezëve”, për një huazim vetëm për sezonin e ardhshëm.
Mirëpo, sipas raportimeve më të fundit nga tabloidet britanike, Alvarez ndihet mirë në “Etihad” dhe nuk e konsideron aspak si opsion largimin e sidomos i huazuar, teksa kërkon të kthehet në një protagonist te “qytetarët”. /i.m /abcnews.al
