Institucionet artistike në mes të shtatorit nisin jetën artistike për publikun kryeqytetas. Teatri kombëtar sjell premierë “ Xhelatët” me regji të Qendrim Rijanit, ndërsa teatri i operës dhe baletit starton me “grand gala” open air.
“Xhelatët” e Martin McDonagh me regji të Qëndrim Rijanit është produksioni më i ri që po punon Teatri Kombëtar për çeljen e sezonit artistik. “Pjesa rrëfen historinë e dënimeve me varje në Mbretërinë e Bashkuar të 1963 por vepra shquhet për notat e forta aktuale”, thekson regjisori
Rijani për këtë produksion ka përzgjedhur artistë të njohur të teatrit kombëtar si Ndricim Xhepa, Lulzim Zeqo por rolin e 16-vjeçares Shirli, ai e zgjodhi me audicion me shpresën që të kthej besimin në to.
Nga ana tjetër teatri kombëtar deri më 15 shtator ka hapur thirrjen për propozimet e veprave artistike të sezonit 2019-2020.
“Jul Cezar” një ndër veprat më të forta politike, shënoi premierën në Tiranë më 13 korrik . Regjisori i njohur ndërkombëtarisht Ivica Buljan e nxori tragjedinë nga skena në sheshin mes dy teatrove.
Galerinë Kombëtare pas ekspozimit prej tre muajsh të piktorit të shquar Kolë Idromeno të plotë dhe me vepra të restauruara.
Koleksion i cili solli elementet poliedrike të artistit, si piktor, fotograf, etnograf, muzikant dhe arkitekt. E ku rrëmbeu vëmendjen e shumë vizitorëve vendas dhe të huaj, plot 5 mijë, tashmë ka nisur puna për realizimin e ekspozitës së rë kuruar nga Adam Budak.
“Prova” do të qëndrojë e hapur për publikun deri më datë 1 dhjetor 2019.
Edhe teatri kombëtar i operës dhe baletit do të nis jetën artistike në mes të shtatorit me premierë “Grand gala” open air në sheshin” Skënderbej”./ABC News Albania 24/7
