Mund të duket e pabesueshme, por kalimi i Milan Skrniar në Paris-Saint-Germain mund të dështojë.
Kjo gjë pasi qendërmbrojtësi sllovak iu nënshtrua një operacioni në shpinë dhe sipas “Le Parizien”, PSG do ta vëzhgojë me kujdes këtë situatë.
Interi përmes një njoftimi në faqen zyrtare ka njoftuar se lojtari është peruar në shtyllën e kurrizit në “Clinique du Sport” në Merignac.
“Milan Skriniar iu nënshtrua dje një operacion endoskopik në shtyllën e mesit në “Clinique du Sport” në Merignac. Në javët në vijim do të vijojë një program rehabilitimi për mbrojtësin e zikaltërve.”, thuhet në komunikatë.
Më pastaj erdhi edhe reagimi i lojtarit i cili ka bërë të ditur se operacionit i është nënshtruar me pëlqimin e Interit.
“Dua t’u dërgoj një përqafim bashkëlojtarëve të mi dhe t’i falënderoj për kualifikimin e mrekullueshëm në gjysmëfinalen e Champions League dhe t’i siguroj të gjithë për gjendjen time pas dëmtimit të pësuar në ndeshjen e parë kundër Portos. Dje, në marrëveshje me Interin, iu nënshtrova një operacioni që të mund të rikthehem sa më shpejt në fushë.”, ka shkruar ai.
Interi dhe PSG kanë arritur marrëveshja për transferimin e lojtarit në Francë me parametra zero, por nënshkrimi ende nuk është vendosur./ h.ll/abcnews.al
