Prej disa muajsh, industria shqiptare e telekomunikacionit është njohur me realitetin e ri One Albania, kompania e krijuar nga bashkimi i dy kompanive historike One Telecommunications dhe ALBtelecom. Emri i ri One Albania vjen me kapacitete dhe infrastrukturë të zgjeruar në të gjithë territorin shqiptar. Për të mësuar më shumë kontaktuam Drejtorin e Përgjithshëm të Teknologjisë në One Albania, Z.Ilir Duka.
“Në rrjetin fiks të One Albania përfaqëson rrjetin më të madh të fibrave optike me 5400 km fibër optike të shtrirë në të gjithë vendin. Ne jemi sot prezent në 57 nga 61 bashkitë e Shqipërisë si asnjë operator tjetër. Ne kemi zhvilluar investime të mëdha në zhvillimin e rrjetit fiks, dhe kemi si qëllim ta rrisim me 30% këtë përdorim, ” , ka thënë Ilir Duka.
Këtë muaj, One Albania bëri histori duke përfunduar edhe një proces tjetër kompleks dhe të zhvilluar për here të pare në Shqipëri, ai i migrimit të 450,000 abonentëve ALBtelecom në rrjetin superior One Albania.
“Të gjithë këto përgatitje paraprake çuan në fazën finale dhe ne këto ditë sapo kemi bërë migrimin e të gjithë abonentëve celulare ALBtelecom rreth 50 mijë abonentë në rrjetin celular One, ishte një proces kompleks dhe unik në vendin tonë. Kjo do të thotë shpejtësi më e mirë e lundrimit në internet, eksperiencë më e lartë në transferimin e videove etj”, ka thënë drejtori teknik .
Të motivuar nga këto procese të suksesshme, One Albania planifikon edhe të ardhmen e investimeve të tyre në vend, duke synuar edhe teknologjinë 5G.
“Oferta jonë do të plotësohet edhe me zhvillimet e reja teknologjike 5G të cilat kërkojnë përkushtim dhe investime por që krijojnë mundësi të reja për zgjidhje inovative për abonentët tonë”, është shprehur ai. /abcnews.al
