Tre automjete të tjera në pronësi të serbëve me targa RKS, janë djegur në veri të Kosovës. Shefi i kabinetit të presidentes së Kosovës, Vjosa Osmani, Blerim Vela deklaroi se ngjarja ka ndodhur në Lesposaviç.
Përmes një postimi në rrjetet sociale, Vela u shpreh se strukturat ilegale të Serbisë po përdorin taktika kriminale dhe terrorizuese ndaj qytetarëve në Kosovë.
Sipas Velës, sundimi i ligjit do të mbizotërojë dhe çdo fajtor do të dalë para drejtësisë.
“3 makina të tjera janë djegur në Leposaviç. Të diskredituara dhe me mbështetje të zvogëluar nga serbët e Kosovës , strukturat ilegale të Serbisë po përdorin taktika kriminale dhe terrorizuese. Sundimi i ligjit do të mbizotërojë dhe çdo fajtor do të sillet para drejtësisë. Regjimi piromane i Vuçiçit do të dështojë”, shkroi Vela në Twitter.
Another 3 cars burnt in Leposavic. Discredited & with diminishing support from #Kosovo Serbs, #Serbia’s illegal structures are resorting to criminal and terrorizing tactics. Rule of law will prevail & every culprit will be brought to justice. Vučić’s pyromaniac regime will fail.
— Blerim Vela (@Blerim_Vela) April 1, 2023
