Dita-ditës, “bomberi” i Manchester City, Erling Haaland po lë gjurmë në historinë e futbollit, teksa duket se ka “rigjetur” dhe formën e tij më të mirë teksa ka arritur të shënojë plot 9 gola dhe të dhurojë 1 asist, në vetëm 4 ndeshjet e fundit.
Për “vikingun” e Premier League nuk kanë munguar as “elozhet” nga sulmuesit legjendarë të futbollit anglez, ku më të fundit vijnë nga golashënuesi më i mirë në historinë e Kampionatit anglez, Alan Shearer, i cili në një pronocim për mediat tha se Haaland, mund të shënojë tepër thjesht 50-60 gola në sezon.
“Haaland është një bishë. Është një makinë për të shënuar gola. Ai jeton dhe merr frymë për ato. Nëse nuk shënon, nuk do të mund të flejë natën. Ai dëshiron një tjetër, pastaj një tjetër, dhe pastaj një tjetër.
Ai është i jashtëzakonshëm dhe kjo skuadër është një ëndërr duke marrë parasysh sa shumë shanse krijojnë. Haaland mund të shënojë 50, madje 60 gola në një sezon. Çmenduri”,- tha Shearer për “bomberin” e City-t.
Ndërkaq, kujtojmë se deri në këtë pikë të sezonit Haaland ka shënuar plot 42 gola dhe ka dhuruar 5 asiste në vetëm 37 paraqitje për “qytetarët”. /i.m /abcnews.al
