Shefi i politikës së jashtme të BE-së, Josep Borrell, tha se nuk do të habitej nëse SHBA-ja dhe Gjermania do të ndryshojnë mendim dhe si përfundim do të dërgojnë në Ukrainë avionë luftarakë.
Dorëzimi i tankeve në Kiev ishte gjithashtu fillimisht i diskutueshëm, tha Borrell në Bruksel përpara samitit BE-Ukrainë të së premtes në Kiev. Por u arrit një marrëveshje dhe kjo “vijë e kuqe” u kalua, tha ai. Të gjitha dërgesat e armëve në Ukrainë shoqërohen me paralajmërime për rrezikun e përshkallëzimit të mëtejshëm të konfliktit.
Përfaqësuesi i Lartë nuk pranoi të komentojë mbi këtë çështje kur u pyet nëse ishte në favor të dërgimit të avionëve luftarakë.
“Detyra ime është të përpiqem të krijoj konsensus dhe një nga mënyrat më të mira për ta bërë këtë është të mos marr pozicione që mund ta rrezikojnë atë,” shpjegoi Borrell.
Kryeministri polak Mateusz Morawiecki tha se Varshava do të dërgonte avionë luftarakë në Kiev nëse do të kishte një konsensus nga NATO.
“Nëse do të merrej një vendim nga të gjitha (të shtetet anëtare) të NATO-s, unë do të isha i hapur ndaj dërgimi të avionëve luftarakë”, theksoi Moraëiecki. Ajo që do të bëjë Varshava do të varet nga ajo që “vendet anëtare të NATO-s vendosin së bashku,” këmbëngul ai, duke theksuar nevojën për “reflektim kolektiv” nga aleanca Atlantike për të marrë një vendim.
Por Gjermania dhe SHBA, të cilat kohët e fundit premtuan të furnizonin Kievin me tanke të rënda për të zmbrapsur trupat ruse që pushtuan territorin ukrainas pothuajse një vit më parë më 24 shkurt 2022, kanë hedhur poshtë kategorikisht idenë e dorëzimit të avionëve luftarakë.
Qeveritë e tjera perëndimore thonë se janë të gatshëm të dërgojnë avionë, duke përfshirë Sllovakinë, e cila ka MiG-29 të projektuar nga sovjetikët, dhe Holandën, e cila ka filluar të zëvendësojë flotën e saj të F-16 me F-35.
“Gjermania ka aftësinë të ofrojë shumë më tepër mbështetje sesa ka bërë deri më tani; ka aftësinë të promovojë vendime brenda Bashkimit Europian, ka para, ka ndikim diplomatik”, paralajmëroi kryeministri polak.
/abcnews.al
