Loading ...
Nga Eduard Zaloshnja
Në një pyetësor që ua shpërndava dje elektronikisht 10 mijë banorve të rritur të Shqipërisë (në mënyrë krejtësisht rastësore), ishin dy pyetje kyçe: 1. A do të votoni për ndonjë nga kandidatët për kryebashkiakë, dhe 2. Ndër katër politikanët kryesorë kombëtarë, për kë keni opinionin MË POZITIV?
Nga ekstrapolimi i përgjigjeve të të anketuarve (ku përfshiheshin mosha, gjinia, zona e banimit – urbane apo rurale – bashkia ku banojnë – Tiranë apo bashki tjetër – votimi më 25 prill 2021, etj.), më rezultoi se rreth 1.84 milionë banorë të rritur janë të prirur të votojnë (një pjesë e tyre ndoshta nuk do të votojnë më 14 maj). Rreth 854 mijë ndër votuesit e mundshëm (46.5%) simpatizojnë Ramën ndër katër politikanët kryesorë. Ndërsa rreth 294 mijë (16%) nuk simpatizojnë asnjërin prej tyre (shihni tabelën më poshtë). Ky rezultat i fundit na tregon se pothuaj 1/6 e mirë e votuesve të mundshëm shqiptarë nuk simpatizojnë asnjë prej katër politikanëve kryesorë, por sidoqoftë, ndoshta mund të votojnë për kandidatët që preferojnë lokalisht.
| Ndër katër politikanët kryesorë kombëtarë, për kë keni opinionin MË POZITIV? – Shqipëria | ||
| Ekstrapolim i përafërt | % | |
| 1.Rama | 854,000 | 46.5% |
| 2.Berisha | 551,000 | 30.0% |
| 3.Alibeaj | 81,000 | 4.4% |
| 4.Meta | 55,000 | 3.0% |
| 5.Asnjërin nga këta | 294,000 | 16.0% |
| TOTAL | 1,835,000 | 100% |
Meqë pothuaj 1600 banorë të rritur të Bashkisë Tiranë e plotësuan pyetësorin e sipërpërmendur, isha në gjendje të bëja ekstrapolime statitistikore të përafërta edhe vetëm për territorin e kësaj bashkie. Nga ekstrapolimi më rezultoi se rreth 462 mijë banorë të rritur tiranas janë të prirur të votojnë (një pjesë e tyre ndoshta nuk do të votojnë më 14 maj). Rreth 198 mijë ndër votuesit e mundshëm (42.9%) simpatizojnë Ramën ndër katër politikanët kryesorë. Ndërsa rreth 86 mijë (18.6%) nuk simpatizojnë asnjërin prej tyre (shihni tabelën më poshtë). Ky rezultat i fundit na tregon se pothuaj 1/5 e votuesve të mundshëm tiranas nuk simpatizojnë asnjë prej katër politikanëve kryesorë, por sidoqoftë, ndoshta mund të votojnë për kandidatët që preferojnë lokalisht.
| 3.Ndër katër politikanët kryesorë kombetarë, për kë keni opinionin MË POZITIV? – Bashkia Tiranë | ||
| Ekstrapolim i përafërt | % | |
| 1.Rama | 198,000 | 42.9% |
| 2.Berisha | 139,000 | 30.1% |
| 3.Alibeaj | 30,000 | 6.5% |
| 4.Meta | 9,000 | 1.9% |
| 5.Asnjërin nga këta | 86,000 | 18.6% |
| TOTAL | 462,000 | 100% |
