7 personat që akuzohen se dërguan 2.5 ton kanabis nga porti i Durrësit drejt Ankonas, do të qëndrojnë në burg. Gjykata e kriemve të rënda la në qeli, edhe nënkomisarin e policisë së Fiert si edhe dy kolegët e tij në Pikën e Kalifimit kufitar Durrës.
Gjykata e Krimeve të Rënda ka lënë në burg shtatë personat e akuzuar për transportimin e 2.5 tonëve kanabis në janar të këtij vitit nga porti i Durrësit drejt atij të Ankonës.
I pari që doli për masë siguri ishte nënkomisari i policisë Fieri, Festim Lelaj, i cili nuk pranoi të fliste pa u konsultuar më parë me avokatin e tij mbrojtës.
Masat e sigurisë “arrest në burg” për:
Festim Lelaj, Nënkomisar në Komisariatin e Fierit
- Gëzim Dervishi, Efektiv në pikën Kufitare të Durrësit
- Agron Kapllani, Efektiv në pikën Kufitare të Durrësit
- Altin Katundi, Doganieri në Durrës
- Mikail Hila, Agjent Doganor në Durrës
- Skënder Siceqa “Akuzuar për trafik droge”
- Arbi Mustafa “ Akuzuar për trafik droge”
Të njëjtën qëndrim kanë mbajtur edhe 6 të pandehurit e tjerë, të cilët nuk dhanë hollësira, përballë prokurorit të çështjes Dritan Prençi.
Ky i fundit ka rënduar edhe më tej pozitat e të pandehurit Festim Lelaj. Nga hetimet për nënkomisari i policisë Fieri, organi i akuzës ka zbuluar edhe një ngarkesë tjetër me drogë të transportuar me kamion drejt Italisë gjatë vitit 2014, ku përsëri orgazator ishte Lelaj.
Në atë kohë, nënkomisari i Fierit ishte efektiv në Pikën e Kalimit Kufitar të Vlorës, ku, dyshohet se lëndën narkotike rreth 350 kg kanabis e ka kaluar në bashkëpunim edhe me shtetasit Aurel Laze dhe Skënder Siqeca nga poriti u qytetit bregdetar.
Efektivi i policisë u prangos disa ditë më parë, ndërsa hetuesit arritën ne përfundimin se nënkomisari i policisë së Fierit kishte rolin e organizatorit edhe në grupin që trafikoi 2.5 ton kanabis nga Porti i Durresit në Ankona.
Ngarkesa me drogë do të dërgohej drejt Gjermanisë, ndërsa kaminoni me lëndë narkotike ishte vulosur në Portin e Durres nga doganieri Altin Katundi, dhe agjenti doganor Mikail Hila. Lënda narkotike ishte shënjuar si mall transit, për tu mos u kontrolluar me tutje në portin Italian. Ndërkohë kanabisi qe u kap nga autoritetet ne brigjet e Ankones ishin fshehur në kamion që trasportonte dru.
Pas arrestimeve te së mërkurës, shkon ne 12 numri i personave te vene ne pranga per kete rast ndërkombëtar të trafikut të lëndëve narkotike./abcnews.al
https://youtu.be/MiCV7idD2nQ
