Për mysafirët në Mirditë, apo edhe ata që do të udhëtojnë përgjatë rrugës se kombit tashmë do të ketë një shtëpi pritëse.
Në afërsi të Rubikut u vendos kjo kullë që do të shërbejë si zyrë e informimit turistik.
Ajo është quajtur Info Kulla dhe u realizua nga bashkëpunimi i Bashkisë Mirditë dhe shoqatës partneritet Austri – Shqipëri.
Informacion që shoqërohet edhe me përshkrimin e tyre viziv është i vendosur në të dy katet e kësaj kulle në hyrje të Mirditës që sinjifikon edhe vetë traditën.
Ndalja e migrimit dhe emigrimit të të rinjve nga kjo zonë ka qenë shtysa kryesore që austriakja Marjan Graf adresoi këtë vëmendje në Mirditë dhe gjithë Malësinë e Veriut dhe është e bindur se Info Kulla do të ketë sukses.
Në të ishte e pranishme edhe Lindta Nikolla ministre e arsimit dhe njëherazi deputete e qarkut Lezhë, sipas të cilës ky është një tjetër mësim që Graf prezanton për Mirditën dhe jo vetëm.
Info Kulla Mirditë e ngritur në shërbim të turizmit është unike në Shqipëri dhe do të jetë pika kryesore e referimit për vizitorët e turistët e ndryshëm./abcnews.al
https://youtu.be/1G6qh-Qjo0Q
