Nedim Bajrami ishte një nga lojtarët më të kërkuar te skuadra e Empolit ngjatë merkatos së verës, por në fund asnjë skuadër nuk arriti të transferonte lojtarin shqiptarë.
Tashmë qëndrimi te skuadra toskane është i sigurt të paktën deri në merkaton e janarit, me Bajramin që duhet të tregojë vetën në fushën e lojës.
Në konferencën për shtyp, përpara përballjes me Salernitana, trajneri Paolo Zanetti ka theksuar se mesfushori kuqezi duhet të përqendrohet te fusha e lojës për të bërë gjithçka siç duhet për të realizuar një tjetër sezon të mirë në Serie A.
“Nuk është e thënë që të luajë titullar, pasi është edhe Pjaca. Mund të ndodhë që njëri ta nisë si titullar dhe tjetri të hyjë më pas. Do të mungojë edhe Destro, jemi mangët dhe duhet të bëjmë disa vlerësime.
Nga Bajrami pres shumë,, ose më saktësisht atë që kemi vlerësuar në shumë momente. Mbaruan diskutimet, nuk ka më alibi dhe duhet të flasë fusha”, theksoi trajneri i toskanëve me një paralajmërim të qartë për lojtarin e përfaqësueses shqiptare. /f.a/abcnews.al
