Në Shkodër të gjithë besimtarët katolikë përshkuan udhën e kryqit, rrugën e mundimit të Jezu Krishtit para se të kryqëzohej. Te dielën bota katolike do të festojë Pashkën, ringjalljen e Krishtit.
Në kalendarin katolik e Premtja e Madhe është një nga ditët më emocionale, ose Dita e kryqëzimit të Jezu Krishtit.
Në Shkodër u përkujtua përmes udhës së kryqit.
Besimtarët katolikë përshkuan qytetin nga Katedralja e “Shën Shtjefnit”, në përkujtim të rrugës së vuajtjeve të Jezusit para se të kryqëzohej.
E tëra me 14 ndalesat që ai bëri në malin e Kalvarit me kryqin në dorë.
Personazhet e gjallë të veshur me simbolikën e dishepujve dhe ushtarëve që e kryqëzuan. Me lutje e besim përkujtuan kështu vuajtjet e birit të Zotit para festës së Pashkëve, që shënon ringjalljen, triumfin e jetës mbi vdekjen.
Të dielën e gjithë bota katolike do të festojë Pashkën. Ditën kur Krishti u ringjall. Në këtë ditë besimtarët përgatiten si për asnjë festë tjetër katolike./abcnews.al
