Roma do të përballet mbrëmjen e sotme me Leicester Cityn në gjysfmëfinalen e Conference League, takim që do të luhet në “King Power Stadium”.
Trajneri i skuadrës italiane, Jose Mourinho, duket se e ka bërë zakon që përpara ndeshjeve të rëndësishme të bëjë homazhe .
E para ishte ndaj Napolit, ku trajneri portugez bëri homazhe në muralen e legjendës argjentinase Diego Armando Maradona, duke fituar simpatinë dhe respektin e tifozëve napolitanë e jo vetëm.
Këtë herë Roma ka mbërritur në Leicester dhe Mourinho nuk ka humbur rastin për të bërë një tjetër gjest që rrit ndjeshëm popullaritetin e tij.
Kështu disa orë para përballjes me “dhelprat”, portugezi ka bërë homazhe në statujën “The boss”, që ndodhet pranë stadiumit dhe është ndërtuar në nderim të ish-presidentit të Leicester, Vichai Srivaddhanaprabha, i cili u nda nga jeta në mënyrë tragjike në 2018-ën, pas një defekti në helikopter.
Menjëherë pas kësaj vizite, klubi i Leicester ka falënderuar portugezin, i cili nga ana tjetër ka marrë komplimentet edhe nga shumë tifozë të “dhelprave” të cilët do t’i ketë kundërshtarë mbrëmjen e sotme. /f.a/abcnews.al
