roma

Kluivert.png
Igli Nikolli22:18 | 22/03/2020

Të gjithë e kanë të vështirë të mbyllen gjatë gjithë ditës në karantinë, aq më shumë futbollistët që janë mësuar me aktivitet fizik. Justin Kluivert rrëfen jetën e tij në këto momente në një bisedë me Nino Wilkes, menaxher i rrjeteve sociale dhe mik i familjes. 20-vjeçari i Romës zbulon rutinën e tij dhe e mbyll me një batutë në lidhje me sfidën e veçantë të futbollistëve.

E kaloj kohën duke gatuar dhe duke u stërvitur. Na lejohet të dalim vetëm për të blerë ushqime në supermarket. Po qëndroj i izoluar në shtëpi, shoh serial në televizor dhe pushoj. Në mëngjes stërvitem në kopsht sa për të qëndruar në formë fizikisht.

Sapo të përfundojë kjo situatë, do të dal të ha diçka me miqtë e mi. Dihet që jashtë ushqehesh më mirë se në shtëpi. Familja e di që jam mirë, por unë nuk mund të bëj shumë për ta në këto momente. Zbavitemi me futbollistët e tjerë duke xhongluar letra higjenike në vend të topit, kemi iku nga trutë”, përfudon Kluivert. /abcnews.al

Pastore-1280x854.jpg
Klejdi Kaimi12:57 | 22/03/2020

Ende nuk dihet fati i Seria A. Coronavirusi që tashmë ka gjunjëzur Italinë dhe ka marrë 4800 jetë, duke e kthyer vendin fqinj në shtetin me më shumë vdekje në botë. Mesfushori i Romës, Javier Pastore, është shumë pesimist për mbylljen e këtij sezoni dhe thekson se parësor është shëndeti.

“Të jem i sinqertë, më duket e pamundur për ta përfunduar sezonin. Do na duhen të paktën 20-30 ditë stërvitje për të qenë gati. Të gjithë klubet do të humbasin para, por nuk mund të rifillojmë aty ku e lamë, sikur nuk ndodhi asgjë”, deklaron argjentinasi.

“Ne nuk mund të stërvitemi të gjithë bashkë, për shkak të masave parandaluese të virusit, por klubi na ka mundësuar të gjithë pajisjet e nevojshme në shtëpitë tona. Po stërvitemi çdo ditë, por situata realisht është e vështirë. Vetëm farmacitë dhe marketet janë hapur, ndërsa ushtria ka zbarkuar në rrugët e qytetit”, mbyll Pastore. /abcnews.al

kolarov.jpg
Klejdi Kaimi12:35 | 19/03/2020

Seria A është pezulluar për momentin dhe nuk dihet nëse ky sezon do të mbyllet. Në mediat italiane flitet se kampionati do të rifillojë në maj dhe do të përfundojë në 30 qershor, por mbrojtësi i Romës, Aleksandar Kolarov, është shumë pesimist dhe mendon se është e pamundur që kjo të ndodhë.

“Sinqerisht nuk e di se si mund të rinisim në maj dhe në 30 qershor të përfundojmë kampionatin. Nuk jam shumë optimist, edhe pse dua me shpirt që të ndodhë.

Futbolli nuk është prioritet për momentin. Ne duam që të rikthehemi në fushë sa më shpejt që të jetë e mundur”, deklaron serbi i skuadrës italiane.

Ndërkohë situata në Itali vazhdon të përkeqësohet dhe ende nuk ka shenja pozitive. Përpos masave të marra nga qeveria, vendi po kalon një krizë të vërtetë dhe nuk dihet se kur ky makth do të  përfundojë. /abcnews.al

juventus.jpg
Igli Nikolli17:28 | 18/03/2020

Mbrojtja e Juventusit nuk është më aq solide sa ka qenë në vitet e fundit. Mungesa e kapitenit Chiellini ka ndikuar, teksa De Ligt ka pasur nevojë për t’u përshtatur me futbollin specifik italian. Bonucci ka eksperiencë, por nuk është më ai i dikurshmi.

Drejtuesit po shohin vërdallë për një mbrojtës cilësor dhe kanë zgjedhur Chris Smalling. Anglezi u transferua verën e kaluar nga Manchester United te Roma. 30-vjeçari është huazuar te verdhekuqtë, që kanë të drejtën e blerjes për 25 milion euro.

Smalling është paraqitur shumë mirë dhe ka bërë një sezon fantastik deri tani. United nuk e ka në plane dhe Juventus po tenton të arrijë një akord me “Djajtë e Kuq”. Për “gjigantin” e mbrojtjes ka interesim edhe nga Arsenali e Interi. /abcnews.al

 

Chris Smalling
Bruno-Dita.png
Vladimir Prenga16:16 | 17/03/2020

Bruno Dita ishte në qendër të vëmendjes në merkaton e janarit. Tirana e Teuta e tentuan, por ai mbeti pjesë e Skënderbeu. Mesfushori, i cili për shumë kohë është dashur ra ndihmojë skuadrën në qendër të mbrojtjes, tregon se sekreti i formës së tij të mirë është puna.

“Bëj maksimumin çdo ditë në stërvitje dhe normalisht që me punë arrihet çdo gjë. Gjithsesi pa ndihmën e ekipit është e pamundur dhe ata kanë dhe një pjesë të suksesit”, shprehet Dita në intervistën e dhënë për “Albeu.com”. Sigurisht nuk mund të mos fliste për qëndrimin te Skënderbeu.

“Kam kontratë deri në maj dhe vendosa të jem korrekt i asaj kontrate. Në Korçë është një super ambient, ku çdo futbollist do dëshironte të punonte gjatë karrierës së tij. Është edhe një qytet i këndshëm, me njerëz shumë të dashur, sidomos për futbollin”.

LEXO EDHE: “Gol në shtëpi”, Bruno Dita dhuron spektakël si… Leo Messi (VIDEO)

Dita ka mbajtur shiritin e kapiteni, që më pas ia dorëzoi Bajram Jashanicës. Një gjest për t’u vlerësuar ai i mesfushorit. “Normalisht ishte një vlerësim që m’u dha shiriti i kapitenit, por do të thosha se është një përgjegjësi shumë e madhe ta mbash atë”.

Më tej mesfushorin tregon se ka një marrëdhënie të mirë me presidentin Ardjan Takaj dhe se po mundohet ta mbajë trupin në formë tani që kampionati është pezulluar. I pyetur në lidhje me çështjen që Skënderbeu ka me UEFA-n, Dita thotë mendimin e tij.

“Ne kemi për detyrë të japim maksimumin në fushë për të arritur vendet që të dërgojnë në Europë. Më pas është klubi që merret me këtë pjesë, por normalisht të gjithë besojnë se do fitohet pafajësia dhe shpresojmë që kështu të ndodhë.

 

Kjo nuk është gjë e mirë vetëm për Skënderbeun dhe Korçën, por është e mirë për të gjithë futbollin në Shqipëri. Skënderbeu është një ekip që këto vitet e fundit ka bërë histori, jo vetëm këtu, por edhe në Europë, Është e vështirë, edhe për shumë vite mendoj, që ta arrijë ndonjë klub tjetër në Shqipëri”.

E veçanta e Ditës është se ai është tifoz me Romën. Kuptohet që arsyeja është Totti: “Tifoz jam me Romën, por jo nga ata të flaktit. Arsyeja që jam tifoz ishte idhulli im, Francesco Totti. Tani që e ka lënë ndjek më shumë Liverpool dhe Barcelona, prej lojës së bukur që zhvillojnë”.

Në fund pyetja më e vështirë: Messi apo Ronaldo? Dita shprehet kështu: “Të dy do thosha, nuk ndahen. Janë dy super futbollistë, të cilët i kanë dhënë shumë futbollit. Mesi është jashtëtokësor, por Ronaldo është shembulli më i mirë se ku mund të arrijë një sportist me punë dhe përkushtim”. /abcnews.al

Roma.jpg
Veronik Istrefaj22:00 | 16/03/2020

Klubi i Romës ka grumbulluar më shumë se 250 mijë euro nga donacionet e tifozëve romakë dhe jo vetëm, para këto që do të shkojnë për të gjitha spitalet dhe qendra mjekësore që po trajtojnë pacientë të prekur me Koronavirus.

Situata në Itali është me të vërtetë shqetësuese dhe vetëm dje e sot, janë konfirmuar mbi 600 të vdekur nga ky virus famëkeq. Disa ditë më parë, Roma nisi misionin që kishte për të grumbulluar 500 mijë euro dhe deri më tani, janë në gjysmë të rrugëtimit.

Faqja zyrtare e klubit vazhdon të bëjë thirrje të shpeshta për donacione dhe ky gjest, është me të vërtetë i madh dhe për t’u vlerësuar. Edhe klubi i Juventusit iu ka kërkuar tifozëve të bëjnë donacione dhe futbolli, po e bën punën e tij në këtë situatë kaotike…/abcnews.al

Serie-A.png
Veronik Istrefaj17:13 | 14/03/2020

Italia është në kaos total, zonë e kuqe, dhe qindra të vdekur nga Koronavirus. Situata nuk është aspak e qetë, të gjithë njerëzit janë izoluar në shtëpitë e tyre dhe çdo aktivitet sportiv, është ndaluar. Serie A dhe të gjitha kampionatet e tjera, janë shtyrë.

Fundjava pa futboll nuk ka sens, është një situatë me të cilën nuk jemi mësuar. Sidomos pa Serie A, pasi populli shqiptar gjithmonë ka qenë i dashuruar me elitën e futbollit italian. Faqja zyrtare e Serie A, ka bërë një premtim me anë të një video-mesazhi.

Në faqen e tyre zyrtare, Serie A shkroi: “Do të përqafojmë sërish njëri-tjetrin. Gjithçka do të jetë në rregull”. Poshtë këtij mesazhi, është një video, ku shihen të gjitha ekipet e Serie A duke u përqafuar. Fantastike!/abcnews.al

Jesus.png
Igli Nikolli19:17 | 13/03/2020

Juan Jesus është pjesë e Romës prej verës së vitit 2017. Mbrojtësi brazilian po qëndron në shtëpi, njësoj si të gjithë futbollistët e tjerë. Ofendimet në rrjetet sociale nuk mungojnë kurrë, por një mesazh i rëndë e ka shqetësuar lojtarin verdhekuq.

Të raftë koronavirusi”, i ka shkruar një tifoz, me shumë mundësi jo i Romës. 28-vjeçari nga Belo Horizonte e ka bërë publik ofendimin e marrë në këtë periudhë të jashtëzakonshme dhe ka zgjedhur të shkruajë këto fjalë.

Në situata si këto, nuk është diçka e mirë të lëxosh komente të tilla, aq më tepër nga një djalosh 15-vjeçar. Çfarë duhet të presim nga e ardhmja kur dikush me gjysmë truri i kësaj moshe bën gjëra të tilla?”, shkruan Juan Jesus. /abcnews.al

Lazio-Roma.jpg
Vladimir Prenga14:55 | 12/03/2020

UEFA, të martën përmes një video-konference,do të njoftojë se çfarë do të ndodhë me kompeticionet evropiane. Sikurse dihet, klube si Juventusi, Interi dhe Real Madrid janë futur në karantinë për 14 ditë, për shkak të virusit COVID-19.

Takime e sotme në Europa League do të zhvillohen, pjesa më e madhe pa pranin e tifozëve. UEFA po mendon të gjejë një zgjidhje për takimin Sevilla-Roma, që një ditë më parë u vendos që të shtyhet sikurse Inter-Getafe.

Canal Sur Radio, në Spanjë, raporton se UEFA i ka propozuar klubeve si Roma e Sevilla një zgjidhje dhe ajo është që të luajnë në Francë, tek ndeshje. 90 minuta për t’u përcaktuar skuadra që kalon më tej në Europa League.

Ky propozim nuk është pëlqyer nga të dyja klubet dhe tashmë u duhet atyre të gjejnë një marrëveshje për ndeshjen, sikurse edhe e parashikon rregullorja. Italia dhe Spanja janë të prekura nga Coronavirusi dhe është e vështirë që Sevilla-Roma të luhet në këto shtete. /abcnews.al

San-Siro.png
Igli Nikolli16:33 | 11/03/2020

Tani është gjithçka zyrtare. Ndeshjet e Europa League: Inter-Getafe dhe Sevilla-Roma nuk do të luhen. Këto sfida ishin programuar të luheshin nesër dhe janë duelet e para të raundit të 1/8 të këtij kompeticioni.

Koronavirusi ka bërë të veten dhe nuk do të ketë futboll në Spanjë dhe Itali. UEFA ka marrë vendimin dhe lajmëron tifozët me anë të një postimi në rrjetet sociale. Ndeshjet do të luhen në një datë të mëvonshme, që nuk është përcaktuar ende.

Morëm këtë vendim për shkak të kufizimeve të vendosura nga autoritetet italiane dhe spanjolle“, shkruan UEFA, duke plotësuar dëshirën e klubeve, që ishin pro shtyrjes së takimeve. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono