Në fillim të ofensivës së Rusisë në Donbas, SHBA vlerëson se nuk ka pasur përfitime të mëdha territoriale për Rusinë deri më tani që nga fillimi i sulmit të ri, sipas dy zyrtarëve të lartë amerikanë me njohuri të drejtpërdrejta për vlerësimin.
SHBA ka vëzhguar disa sulme të reja nga forcat ruse tha një nga zyrtarët. Megjithatë, vijat e frontit mbeten statike asnjë territor nuk ka ndryshuar ende.
Për të ndihmuar në përgatitjen e forcave ukrainase për betejat që do të vijnë, një paketë e re armësh prej 800 milionë dollarësh do të përqendrohet në artileri, sipas një zyrtari të lartë amerikan dhe një burimi të Kongresit me njohuri për projekt-planin.
SHBA u ka kërkuar shumë aleatëve të NATO-s që të ndihmojnë me artileri në këtë dërgesë të re të planifikuar të armëve, tha një zyrtar i lartë amerikan për CNN. /abcnews.al
