Përfshihet nga flakët në mes të rrugës kamioni që po udhëtonte drejt Vlorës

Një kamion është përfshirë nga flakët mëngjesin e sotëm në aksin rrugor të autostradës Levan-Vlorë.

Burime bëjnë me dije për ABC se kamioni ka qenë duke udhëtuar drejt Vlorës, ndërsa për fat të mirë si pasojë e flakëve nuk ka dëme në njerëz por vetëm dëme materiale.

Pavarësisht kësaj ngjarje, lëvizja e automjeteve nuk është bllokuar ndërsa qarkullimi vazhdon normalisht.

Drejt vendit të ngjarjes janë nisur forca zjarrfikëse për të bërë të mundur shuarjen e flakëve, ndërkohë që po hetohet për të mësuar shkaqet që kanë shkaktuar zjarrin. /abcnews.al