Ministria e Jashtme turke këtë të mërkure ka kërkuar nga Emiratet e Bashkuara Arabe arrestimin dhe ekstradimin e bosit të mafias turke Sedat Peker .
Autoritetet turke bëjnë thirrje për arrestimin e 50 vjeçarit pas lëshimit të një njoftimi të kuq nga Interpoli. Peker u bë i njohur si një drejtues bande në vitet 1990 dhe u dënua me 14 vjet burg në 2007 për krime që përfshinin krijimin dhe menaxhimin e një organizate kriminale dhe u lirua disa vite më parë.
Autoritetet turke nisën një tjetër hetim ndaj Sedat Paker në prill të vitit të kaluar. Pas këtij hetimi bosi i mafias filloi që të postonte video në YouTube duke detajuar rastet e korrupsionit që përfshinin zyrtarë të lartë turq në qeverinë e Erdoganit.
Peker në këto pamje fliste për vdekje të dyshuara, përdhunime dhe trafik droge. Partitë politike janë përpjekur të shfrytëzojnë akuzat me partinë kryesore opozitare që kërkon dorëheqjen e Soylos.
Dyzet e tetë përqind e të anketuarve thanë se pretendimet e tyre ishin të besueshme, sipas një sondazhi të majit nga Metropoll.
Videot janë xhiruar në Emiratet e Bashkuara Arabe, me të cilat Turqia ka pasur marrëdhënie shumë të këqija në të kaluarën. Ankaraja kohët e fundit ka qenë e angazhuar në një përpjekje intensive për të rivendosur marrëdhëniet, ku të dy vendet kanë nënshkruar së fundmi 13 marrëveshje në fusha të ndryshme./abcnews.al
