Pasi Gjykata Kushtetuese shpalli të pavlefshëm vendimin e Kuvendit për të shkarkuar Ilir Metën, i menjëhershëm ka qenë reagimi i Presidencës. Zëdhënësi Tedi Blushi shprehet se nuk ka pasur asnjë surprizë për Presidencën.
Sipas tij, kjo çështje as nuk duhej të kishte filluar.
“ZERO SURPRIZË për Presidencën! Kjo çështje as nuk duhej të kishte filluar! ” shkruan Blushi.
Gjykata Kushtetuese, pasi verifikoi procedurën e ndjekur nga Kuvendi për ngritjen e komisionit hetimor, garantimin e së drejtës së Presidentit për t`u dëgjuar dhe për t`u mbrojtur dhe duke mbajtur në konsideratë pavarësinë organizative të Kuvendit, në tërësi konstatoi se nuk ka pasur shkelje kushtetuese gjatë kësaj procedure.
/abcnews.al/
