Partia Socialiste ka zhvilluar një mbledhje të kryesisë së saj në selinë rozë nën drejtimin e kreut të kësaj force politikë kryeministrit Edi Rama, mbledhje e cila vjen pas vendimit të deputetëve të Partisë Demokratike për dorëheqje nga mandati i deputetit.
Mbledhja, e cila ka nisur në orën 9:00 të mëngjesit ka zgjatur rreth një orë dhe në përfundim të saj ka qënë kreu i grupit parlamentar socialist njëkohësisht sekretar i përgjithshëm i socialistëve, Taulant Balla, ai i cili ka deklaruar se qeveria do të vijojë punën e saj.
Këtë të enjte, tha Balla, mazhoranca do të votojë në parlament strukturat e dy organeve të reja të drejtësisë përkatësisht Këshillit të Lartë të Gjyqësorit dhe atij të Prokurorisë.
Ndërkohë Partia Demokratike ka vendosur që ditën e enjte të zhvillojë një tjetër protestë përpara godinës së parlamentit. Të enjten e kaluar, kreu i Kuvendit, Gramoz Ruçi, vendosi shtyrjen e seancës parlamentare për shkak të protestës së paralajmëruar të opozitës, kjo për shkak të informacioneve të ardhura nga policia që flisnin për skenar dhune./abcnews.al
